ଭୁବନେଶ୍ବର: ବସଯାତ୍ରୀ ମାନେ ସମାବଧାନ। କାହିଁକିନା ରାଜଧାନୀର ପ୍ରମୁଖ ସ୍ଥାନରେ ଆଉ ବସ୍ ରହିବ ନାହିଁ। ଏଣିକି ଆଚାର୍ଯ୍ୟ ବିହାର, ବାଣୀବିହାର ଓ ଜୟଦେବ ବିହାର ଛକରେ ଥିବା ବସ୍ ଷ୍ଟପ୍ ଗୁଡ଼ିକରେ ଆଉ ବସ୍ ରହିବ ନାହିଁ। ଏହିସବୁ ଛକରେ ଟ୍ରାଫିକ୍ ସମସ୍ୟାକୁ ନିୟନ୍ତ୍ରଣ କରିବା ପାଇଁ ସତ୍ସଙ୍ଗ ବିହାର ସମ୍ମୁଖରେ ଏକ ନୂଆ ବସ୍ ଷ୍ଟପ୍ କରାଯାଇଛି। ଯାତ୍ରୀମାନେ ଯେଭଳି ବସ୍ ଧରିବାରେ କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି ସେଥିପାଇଁ ସ୍ୱତନ୍ତ୍ର ବ୍ୟବସ୍ଥା ମଧ୍ୟ କରାଯାଇଛି।
ଯେଉଁ ଗାଡ଼ି ଗୁଡ଼ିକ ବରମୁଣ୍ଡା ବସ୍ ଷ୍ଟାଣ୍ଡ୍ରୁ ବାହାରି କଟକ ଅଭିମୁଖେ ଯାଉଛି ତାହା ଏବେ କ୍ରାଉନ୍ ହୋଟେଲ ବସ୍ ଷ୍ଟପ୍ରୁ ଜୟଦେବ ବିହାର ଫ୍ଲାଏ ଓଭର ବ୍ରିଜ୍ ଦେଇ ସତ୍ସଙ୍ଗ ବିହାର ଯିବ। ଫଳରେ ବାଣୀବିହାର ଓ ଆଚାର୍ଯ୍ୟ ବିହାର, ଜୟଦେବ ବିହାର ଛକରେ ଟ୍ରାଫିକ ସମସ୍ୟା କମିବା ନେଇ ଟ୍ରାଫିକ୍ ପୁଲିସ୍ ଆଶା ରଖିଛି। ଏଥିସହ ଜାତୀୟ ରାଜପଥର କିଛି ଅଂଶକୁ ବସ୍ ବେ କରାଯାଇଛି। ଅନ୍ୟପକ୍ଷରେ ବସ୍ ଷ୍ଟପ୍ ପାଇଁ ସ୍ଥାୟୀ ବ୍ୟବସ୍ଥା କରିବାକୁ ବସ୍ ମାଲିକ ସଂଘ ପକ୍ଷରୁ ଦାବି ହୋଇଛି।
Comments are closed.