ନୟାଗଡ଼: ଜମିବାଡି ବିବାଦକୁ କେନ୍ଦ୍ର କରି କଳି ପରେ ଗାଁ ଦାଣ୍ଡରେ ହାଣିି ଯୁବକକୁ ହତ୍ୟା କରିଥିବା ଅଭିଯୋଗ ହୋଇଛି। ଜମି ବିବାଦ ନେଇ ଥାନାରେ ଅଭିଯୋଗ କରିବାରୁ ଗାଁ ଦାଣ୍ଡରେ ଯୁବକଙ୍କୁ ହତ୍ୟା କରାଯାଇଛି। ଏଭଳି ଘଟଣା ଘଟିଛି ନୟାଗଡ଼ ଜିଲ୍ଲା ଇଟାମାଟି ଥାନା ବାଉଁଶିଆପଡା ଗାଁରେ। ଘର ଡିହକୁ କେନ୍ଦ୍ରକରି ଗତ କିଛି ଦିନ ହେଲା ବାଉଁଶିଆପଡା ଗାଁ ର ଜଗବନ୍ଧୁ ମହାପାତ୍ରଙ୍କ ସହ ପଡୋଶୀ କ୍ଷେତ୍ରବାସୀ ମହାପାତ୍ରଙ୍କର ବିବାଦ ଲାଗି ରହିଥିଲା। ଗତକାଲି ଏ ନେଇ ସକାଳେ ଉଭୟ ପରିବାର ମଧ୍ୟରେ ବଚସା ହୋଇଥିଲା ।
ପ୍ରକାଶ ଯେ, କ୍ଷେତ୍ରବାସୀ ଜଗବନ୍ଧୁଙ୍କ ପରିବାର ବିରୁଦ୍ଧରେ ଇଟାମାଟି ଥାନାରେ ଅଭିଯୋଗ କରିଥିଲେ। ମଙ୍ଗଳବାର ରାତିରେ ଘରକୁ ଫେରିବା ବେଳେ ଗାଁ ଦାଣ୍ଡରେ ଜଗବନ୍ଧୁଙ୍କ ପରିବାର ଲୋକେ କ୍ଷେତ୍ରବାସୀଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ଇଟାମାଟି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.