ଲୁଟେରା ଗ୍ୟାଙ୍ଗ୍ ଠାବ, ୧୦୨ ମୋବାଇଲ ଜବତ

ଭୁବନେଶ୍ୱର: ସହିଦନଗର ପୋଲିସକୁ ମିଳିଛି ଏକ ବଡ଼ ସଫଳତା। ଭୁବନେଶ୍ୱରର ସହିଦନଗରରୁ ଏକ ବଡ଼ ଲୁଟେରା ଗ୍ୟାଙ୍ଗକୁ ପୋଲିସ ଠାବ କରିବାରେ ସକ୍ଷମ ହୋଇଛି। ଲୁଟେରା ଗ୍ୟାଙ୍ଗ୍‌ ଠାରୁ ୧୦୨ଟି ମୋବାଇଲ ଜବତ କରାଯାଇଛି।

ଏହି ଘଟଣାରେ ଅନୁଗୁଳ, ଯାଜପୁର ଓ ରାଉରକେଲାରୁ ଚୋରା ମୋବାଇଲ୍ କିଣିଥିବା ୮୨ ଜଣଙ୍କୁ ତଦନ୍ତ ପରିସରକୁ ଅଣାଯିବ ବୋଲି କୁହାଯାଇଛି। ଅଭିଯୁକ୍ତଙ୍କ ମଧ୍ୟରେ ଅନୁଗୁଳ ଜିଲ୍ଲାର ସଞ୍ଜୟ ଗଡ଼ନାୟକ ଓ ଲିପୁନ ସାହୁଙ୍କୁ ଗିରଫ କରାଯାଇଛି। ଖୁବଶୀଘ୍ର ଲୁଟେରା ଗ୍ୟାଙ୍ଗର ଅନ୍ୟ ସଦସ୍ୟଙ୍କୁ ଗିରଫ କରାଯିବ ବୋଲି ପୋଲିସ ସୂତ୍ରରୁ ଜଣାପଡ଼ିଛି।