ରାୟଗଡ଼ା: ଭାରସାମ୍ୟ ହରାଇ ଓଲଟିଲା କପା ବୋଝେଇ ଟ୍ରାକ୍ଟର। ଗତକଲି ବିଳମ୍ବିତ ରାତିରେ ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅଧୀନ ତ୍ରିକାଳପାଡୁ ନିକଟରେ ଏକ କପା ବୋଝେଇ ଟ୍ରାକ୍ଟର ଓଲଟି ଘଟଣାସ୍ଥଳରେ ୨ଜଣଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ଆଉ ୨ ଜଣ ଗୁରୁତର ହୋଇଛନ୍ତି।
ସୂଚନାଯୋଗ୍ୟ ଯେ, ଗତକାଲି ବିଳମ୍ବିତ ରାତିରେ ମାଝିଗୁଡ଼ାରୁ ଏକ କପା ବୋଝେଇ ଟ୍ରାକ୍ଟର ବେଲଗମା ଯାଉଥିବା ବେଳେ ତ୍ରିକାଳପାଡୁ ନିକଟରେ ଓଲଟିପଡ଼ିଥିଲା। ଉକ୍ତ ସମୟରେ ଟ୍ରାକ୍ଟରରେ ଡ୍ରାଇଭର ଓ ୩ ମହିଳା ହେଲପର ଥିଲେ। ମାତ୍ରଧିକ ଲୋଡ ହେଇଥିବାରୁ ଗାଡ଼ି ଦୁର୍ଘଟଣା଼ଗସ୍ତ ହେଇଥିବା ଅଭିଯୋଗ ହେଇଛି। ଘଟଣାସ୍ଥଳରେ ଡ୍ରାଇଭରର ମୃତ୍ୟୁ ହୋଇଇଥିବା ବେଳେ ଜଣେ ମହିଳା ଲେବରଙ୍କର ରାୟଗଡ଼ା ଜିଲ୍ଲା ହସ୍ପିଟାଲରେ ମୃତ୍ୟୁ ହେଇଛି।
ଅନ୍ୟଦୁଇ ମହିଳା ଲେବର ଗୁରୁତର ଥିବା ବେଳେ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ସେମାନଙ୍କୁ ଭର୍ତ୍ତି କରାଯାଇଛି। ଘଟଣାସ୍ଥଳରେ କଲ୍ୟାଣସିଂହପୁର ପୁଲିସ୍ ପହଞ୍ଚି ତଦନ୍ତ କରୁଛି । ମୃତକଙ୍କ ପରିଚୟ ମିଳିପାରିନାହିଁ। ଏହାପରେ ଗାଡ଼ିଟିକୁ ଜବତ କରି ପୁଲିସ୍ ତଦନ୍ତ ଆରମ୍ଭ କରିଛି।
Comments are closed.