ଆଜିଠୁ ୪ ଦିନ ପାଇଁ ବ୍ୟାଙ୍କ୍ ବନ୍ଦ

ନୂଆଦିଲ୍ଲୀ: ଆଜିଠୁ ଆସନ୍ତା ୪ ଦିନ ପାଇଁ ବ୍ୟାଙ୍କ୍ ବନ୍ଦ ରହିବ। ମୋବାଇଲ ଓ ଇଣ୍ଟରନେଟ୍‌ ବ୍ୟାଙ୍କିଂକୁ ବାଦ୍‌ ଦେଲେ ଦେଶରେ ଥିବା ସମସ୍ତ ବ୍ୟାଙ୍କ୍‌ ବନ୍ଦ ରହିବ। ଆଜିଠାରୁ ଆସନ୍ତା ମଙ୍ଗଳବାର ଯାଏ ବ୍ୟାଙ୍କର ବ୍ରାଞ୍ଚ ଗୁଡ଼ିକରେ କୌଣସି ଆର୍ଥିକ କାରବାର ହେବନାହିଁ।

କେନ୍ଦ୍ର ସରକାର ବ୍ୟାଙ୍କଗୁଡ଼ିକର ଘରୋଇ କରଣ କରୁଥିବାରୁ ସମଗ୍ର ଦେଶର ବ୍ୟାଙ୍କ କର୍ମଚାରୀ ସଂଘ ଏହାକୁ ବିରୋଧ କରୁଛି। ବ୍ୟାଙ୍କ କର୍ମଚାରୀ ସଂଘ ଦୁଇ ଦିନିଆ ବ୍ୟାଙ୍କ ବନ୍ଦ ଡାକରା ଦେଇଛି। ଆସନ୍ତା ୧୫ ତାରିଖ(ସୋମବାର) ଓ ୧୬ ତାରିଖ(ମଙ୍ଗଳବାର) ସମଗ୍ର ଦେଶରେ ବିକ୍ଷୋଭ ପ୍ରଦର୍ଶନ କରାଯିବ। ଏଥିପାଇଁ ବ୍ୟାଙ୍କ ସେବା ୨ ଦିନ ବନ୍ଦ ରହିବ।

ସେହିପରି ଶନିବାର (ମାର୍ଚ୍ଚ ୧୩) ମାସର ଦ୍ୱିତୀୟ ଶନିବାର ହୋଇଥିବାରୁ ବ୍ୟାଙ୍କ ଗୁଡ଼ିକ ସାଧାରଣତଃ ବନ୍ଦ ରହିଥାଏ। ୪ ତାରିଖ ରବିବାର ହୋଇଥିବାରୁ ଏହା ଛୁଟି ଦିନ। ତେଣୁ ଷ୍ଟ୍ରାଇକ ଓ ଛୁଟି ଦିନକୁ ମିଶାଇଲେ ଆଜିଠାରୁ ୪ ଦିନ ବ୍ୟାଙ୍କ ବନ୍ଦ ରହିବ। ଆସନ୍ତା ବୁଧବାର ଠାରୁ ବିଭିନ୍ନ ବ୍ରାଞ୍ଚରେ ବ୍ୟାଙ୍କ ସେବା ସ୍ୱାଭାବିକ ହେବ।