Odisha Link
Bridging the Missing Links in Odisha

ଏହି ଦେଶରେ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହେଲା ଟ୍ୱିଟର

ନୂଆଦିଲ୍ଲୀ: ରାଷ୍ଟ୍ରପତିଙ୍କ ଟ୍ୱିଟ ହଟାଇଥିବାରୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ହେଲା ଟ୍ୱିଟର। ଟ୍ୱିଟର ବିରୋଧରେ ନାଇଜେରିଆ ସରକାର ଏପରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ସରକାର ଟ୍ୱିଟରକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରଖିଛନ୍ତି। ମାଇକ୍ରୋ ବ୍ଲଗିଂ ପ୍ଲାଟଫର୍ମ ଟ୍ୱିଟର ଦୁଇପାଖିଆ ମନୋଭାବ ପୋଷଣ କରିଥିବା ସରକାର ଅଭିଯୋଗ କରିଛନ୍ତି।

ସରକାର କହିଛନ୍ତି ଯେ, ପଶ୍ଚିମ ଆଫ୍ରିକା ଦେଶରେ ବିଚ୍ଛିନ୍ନତାବାଦୀଙ୍କୁ ଟ୍ୱିଟର ସମର୍ଥନ କରିଛି। ତେଣୁ ମାଇକ୍ରୋବ୍ଲଗିଂ ପ୍ଲାଟଫର୍ମ ଟ୍ୱିଟରକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରିବାକୁ ନାଇଜେରିଆର ସୂଚନା ଓ ସଂସ୍କୃତି ମନ୍ତ୍ରୀ ଲାଇ ମହମ୍ମଦ ଘୋଷଣା କରିଛନ୍ତି। ଏଥିସହ ନାଇଜେରିଆରେ ସମସ୍ତ ଓଟିଟି ଏବଂ ସୋସିଆଲ ମିଡିଆ ଅପରେସନ୍ ଲାଇସେନ୍ସ ପ୍ରକ୍ରିୟା ତୁରନ୍ତ ଆରମ୍ଭ କରିବାକୁ ସରକାର ଜାତୀୟ ପ୍ରସାରଣ ଆୟୋଗକୁ ନିର୍ଦ୍ଦେଶ ଦେଇଛନ୍ତି।

ଦେଶରେ ଟ୍ୱିଟର କାର୍ଯ୍ୟକଳାପକୁ ନେଇ ସରକାର ସନ୍ଦେହ ପ୍ରକଟ କରିଛନ୍ତି। ଟ୍ୱିଟର ରାଷ୍ଟ୍ରପତି ମହମ୍ମଦୁ ବୁଖାରୀଙ୍କ ବିବାଦୀୟ ଟ୍ୱିଟକୁ ହଟାଇ ଦେଇଥିଲା ଯେଉଁଥିରେ ରାଷ୍ଟ୍ରପତି ମହମ୍ମଦୁ ବୁଖାରୀ ୧୯୬୭ ରୁ ୧୯୭୦ ମସିହା ପର୍ଯ୍ୟନ୍ତ ଦେଶର ୩୦ ମାସର ଗୃହଯୁଦ୍ଧକୁ ଦର୍ଶାଇଥିଲେ।

ସେ ଟୁଇଟ୍ କରି ଲେଖିଥିଲେ ଯେ, ନାଇଜେରିଆର ଗୃହଯୁଦ୍ଧ ସମୟରେ ଯେଉଁମାନେ କଷ୍ଟ ଭୋଗିଥିଲେ ସେମାନେ ଷଡ଼ଯନ୍ତ୍ରକାରୀଙ୍କୁ ସେଭଳି ଜବାବ ଦେବା ଉଚିତ। ପରେ ଟ୍ୱିଟର ପକ୍ଷରୁ ତାଙ୍କର ଟ୍ୱିଟକୁ ହଟାଇ ଦିଆଯାଇଥିଲା। ଆଉ ଟ୍ୱିଟରର ଏହି କାର୍ଯ୍ୟାନୁଷ୍ଠାନ ପାଇଁ ସରକାର ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି।

Leave A Reply

Your email address will not be published.