ଖୋର୍ଦ୍ଧା ଶିଳ୍ପାଞ୍ଚଳରେ ରେଡିମେଟ କପଡ଼ା ଫ୍ୟାକ୍ଟ୍ରିଉଦଘାଟନ କଲେ ମୁଖ୍ୟମନ୍ତ୍ରୀ

ଖୋର୍ଦ୍ଧା ଶିଳ୍ପାଞ୍ଚଳରେ ରେଡିମେଟ କପଡ଼ା ଫ୍ୟାକ୍ଟ୍ରିଉଦଘାଟନ କଲେ ମୁଖ୍ୟମନ୍ତ୍ରୀ, ୧୮୦୦ କର୍ମଚାରୀଙ୍କୁ ନିଯୁକ୍ତି

ଖୋର୍ଦ୍ଧା: ୱାଇଲ୍ଡ ଲୋଟସ ଫ୍ୟାସନ ଫାଇଭେଟ ଲିମିଟେଡ ପକ୍ଷରୁ ଖୋର୍ଦ୍ଧା ଛତାବର ଶିଳ୍ପାଞ୍ଚଳ ଠାରେ ଆରମ୍ଭ ହୋଇଛି ଏକ ରେଡିମେଟ କପଡ଼ା ଫ୍ୟାକ୍ଟ୍ରି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଏହା ଉଦଘାଟନ କରାଯାଇଛି। ସମ୍ପୂର୍ଣ୍ଣ ଭାବେ ରପ୍ତାନୀ ଉଦ୍ଦେଶ୍ୟରେ କରାଯାଇଥିବା ଏହି ୟୁନିଟ ଏମଜିଏମ୍ ଗ୍ରୁପର ଏକ ଅଂଶ ଅଟେ।

ଏହି କମ୍ପାନୀରେ ୧୮ଶହ କର୍ମଚାରୀଙ୍କୁ ନିଯୁକ୍ତି ଦିଆଯିବ। ଯାହା ମଧ୍ୟରେ ୧୩୦୦ ମହିଳା ସ୍ଥାନ ପାଇବେ। ପ୍ରାଥମିକ ଭାବେ ୭୦ କୋଟି ଟଙ୍କା ବ୍ୟୟରେ ଆରମ୍ଭ କରାଯାଉଥିବା ଏହି କମ୍ପାନୀରେ ସମ୍ପର୍ଣ୍ଣ ଦେୟମୁକ୍ତ ଭାବରେ ତାଲିମର ବ୍ୟବସ୍ଥା ମଧ୍ୟ କରାଯାଇଛି। ପ୍ରାୟ ୯୫୦ ସିଲେଇ ମେସିନକୁ କପଡା ତିଆରୀ ପାଇଁ ଏଠାରେ ବ୍ୟବହାର କରାଯିବ। ଆନ୍ତଜାର୍ତୀୟ ମାନର ବ୍ରାଣ୍ଡ ଗୁଡ଼ିକୁ କପଡ଼ା ଯୋଗାଇ ଦେବାରେ ଏହା ମୁଖ୍ୟ ଭୂମିକା ନେବ ବୋଲି ଏମଜିଏମ ଗ୍ରୁପର ଅଧ୍ୟକ୍ଷ ପଙ୍କଜ ମହାନ୍ତି କହିଛନ୍ତି।