ସେକ୍ସ ରାକେଟ ଠାବ, ୧୩ ଅଭିଯୁକ୍ତ ଗିରଫ

ଓଏଲ୍‌ ବ୍ୟୁରୋ: ଦିନକୁ ଅପରାଧିକ ମାମଲା ବୃଦ୍ଧି ପାଇବାରେ ଲାଗିଛି। ବିଭିନ୍ନ ପ୍ରକାର ନିଶାରେ ସମ୍ପୃକ୍ତ ରହି ବ୍ୟକ୍ତି ନିଜର କ୍ଷତି ଖରାପ କରିବା ସହ ପରିପାର୍ଶ୍ଵିକ ବ୍ୟକ୍ତିଙ୍କୁ ମଧ୍ୟ ଅସୁବିଧାରେ ସମ୍ମୁଖୀନ କରୁଛି। ତେବେ ଅପରାଧିକ ମାମଲା ଭିତରେ ଆଉ ଏକ ଘଟଣା ସାମ୍ନାକୁ ଆସିଛି। ବାଲେଶ୍ୱର ପୁଲିସକୁ ମିଳିଛି ବଡ଼ ସଫଳତା। ଠାବ ହୋଇଛି ସେକ୍ସ ରାକେଟ। ବାଲେଶ୍ୱର ପୁଲିସ ବସ୍ତା, ସିଙ୍ଗଲା ସମେତ ବିଭିନ୍ନ ଅଞ୍ଚଳରେ ଚଢ଼ାଉ କରି ଗିରଫ କରିଥିବା ସୂଚନା ମିଳିଛି। ତେବେ ଏହି ଘଟଣାରେ ସମ୍ପୃକ୍ତ ୧୩ ଜଣଙ୍କୁ ଗିରଫ କରିଛି ପୁଲିସ। ରାକେଟରେ ସାମିଲ ଯୁବତୀଙ୍କୁ ଉଦ୍ଧାର କରି ପରିବାରକୁ ହସ୍ତାନ୍ତର କରିଛି ପୁଲିସ।

ଖବର ଅନୁସାରେ, ବାଲେଶ୍ୱର ପୁଲିସ ଠାବ କରିଛି ସେକ୍ସ ରାକେଟ। ରାକେଟରେ ସାମିଲ ଯୁବତୀଙ୍କୁ ଉଦ୍ଧାର କରି ପରିବାରକୁ ହସ୍ତାନ୍ତର କରିଥିବାବେଳେ ୧୩ ଜଣଙ୍କୁ ଗିରଫ କରିଛି ପୁଲିସ। ପୂର୍ବରୁ ମାଷ୍ଟରମାଇଣ୍ଡ ଲିଙ୍କନ ସାହୁକୁ ଗିରଫ କରିଛି ପୋଲିସ। ପଶ୍ଚିମବଙ୍ଗ ଓ ସ୍ଥାନୀୟ ଅଞ୍ଚଳର ଯୁବତୀ ଏହି ରାକେଟରେ ସାମିଲ ଥିବା ସୂଚନା ମିଳିଛି।