ଓଏଲ୍ ବ୍ୟୁରୋ: ଗଣେଶ ପୂଜା ଭସାଣୀରେ ପୁଲିସ ଉପରକୁ ଆକ୍ରମଣ କରିଥିବା ଖବର ସାମ୍ନାକୁ ଆସିଥିଲା। ଏହି ଆକ୍ରମଣ ଘଟଣାରେ ୧୬ ଜଣ ଗିରଫ ହୋଇଥିବା ଜଣା ପଡିଛି। ଏହି ଘଟଣା ଢେଙ୍କାନାଳ ଟାଉନଥାନା କୋରିଆଁ ଅଞ୍ଚଳରେ ଘଟିଥିଲା। ପୁଲିସର ବିନା ଅନୁମତିରେ ଚାଲିଥିଲା ଭସାଣ ଯାତ୍ରା।
ସୂଚନା ଅନୁସାରେ, ବିଳମ୍ବିତ ରାତି ପର୍ଯ୍ୟନ୍ତ ଡିଜେ ବଜାଇଥିଲେ। ଅଭିଯୋଗ ପାଇ ଘଟଣାସ୍ଥଳରେ ପୁଲିସ ପହଞ୍ଚିଥିଲା। ନିଶାଶକ୍ତ ଯୁବକମାନେ ଏସଆଇ ଓ ପୁଲିସ କର୍ମଚାରୀଙ୍କୁ ଆକ୍ରମଣ କରିଥିଲେ। ଆଜି ୧୬ ଜଣଙ୍କୁ ଗିରଫ କରି ପୁଲିସ କୋର୍ଟ ଚାଲାଣ କରିଛି। ଆହୁରି ୩୦ ଜଣଙ୍କ ନାଁରେ ଅଭିଯୋଗ ଥିବା ସୂଚନା ରହିଛି।