ଓଏଲ୍ ବ୍ୟୁରୋ: ନୟାଗଡ଼ ଜିଲ୍ଲା ଇଟାମାଟି ଥାନା ବାଉଁଶଆପଡାରେ ଅଘଟଣ ଘଟିଛି। କୁସୁମୀ ନଦୀରେ ବୁଡ଼ି ଭାଇଭଉଣୀଙ୍କ ମୃତ୍ୟୁ ହୋଇଛି। ଗାଧୋଇବା ସମୟରେ ବୁଡ଼ି ଯାଇ ଭାଇଭଉଣୀଙ୍କ ମୃତ୍ୟୁ ହୋଇଛି। ଅଘଟଣ ପରେ ପୁରା ଗାଁରେ ଶୋକର ଛାୟା ଖେଳିଯାଇଛି। ମୃତ ଦୁଇଜଣ ହେଉଛନ୍ତି ବାଉଁଶଆପଡାର ଦ୍ବିତିକୃଷ୍ଣ ସେଠୀଙ୍କ ୫ବର୍ଷର ପୁଅ ସାଇ ଏବଂ ୧୦ବର୍ଷର ଝିଅ କାଜଲ୍।
ସୂଚନା ଅନୁସାରେ, ବାଉଁଶିଆପଡ଼ା ସ୍ଥିତ କୁସୁମୀ ନଦୀକୁ ଭାଇ-ଭଉଣୀ ଗାଧୋଇବାକୁ ଯାଇଥିଲେ। ଏହି ସମୟରେ ହଠାତ୍ ପାଣିରେ ଭାଇ-ଭଉଣୀ ବୁଡିଯାଇଥିଲେ। ସ୍ଥାନୀୟ ଲୋକେ ଉଭୟଙ୍କୁ ପାଣିରୁ ଉଦ୍ଧାର କରି ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଥିଲେ। ଖବର ପାଇ ଇଟାମାଟି ଥାନା ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି।