ଭୁବନେଶ୍ବର: ଉତ୍କଳ ବିଶ୍ବବିଦ୍ୟାଳୟ ସାମ୍ବାଦିକତା ବିଭାଗର ଛାତ୍ରଛାତ୍ରୀ ମାନଙ୍କ ଦ୍ବାରା ବିଶ୍ବବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଛି। ଆରଆର ଇଭେଣ୍ଟ ପକ୍ଷରୁ ଆୟୋଜିତ ଓଡ଼ିଶା ଜୁଇନ ୨୦୧୯ର ଫାଇନାଲିଷ୍ଟ ମଞ୍ଜୁଲି ନାୟକଙ୍କ ନେତୃତ୍ବରେ ବିଶ୍ବବିଦ୍ୟାଳୟର ବିଜୁ ପଟ୍ଟନାୟକ ଷ୍ଟାଡିୟମ ପରିସରରେ ବୃକ୍ଷ ରୋପଣ କାର୍ଯ୍ୟ ଅନୁଷ୍ଠିତ ହୋଇଥିଲା। ଆଗକୁ ମେଗା ରାଉଣ୍ଡ ହେବାକୁ ଥିବା ବେଳେ ମଞ୍ଜୁଲି ସୋସିଆଲ ଟାସ୍କ ବାବଦକୁ ବୃକ୍ଷ ରୋପଣ ବାଛିଛନ୍ତି। ନିଜ ସହପାଠୀ ମାନଙ୍କ ସହ ମିଶି ଏହି କାର୍ଯ୍ୟକ୍ରମକୁ ସଫଳ କରାଇଥିଲେ। ଉତ୍କଳ ବିଶ୍ବବିଦ୍ୟାଳୟ ଛାତ୍ରୀ ହୋଇଥିବାରୁ ସେ ନିଜର ଅଭିଯାନ ଏହିଠାରୁ ଆରମ୍ଭ ହୋଇଥିବା ମଞ୍ଜୁଲି କହିଥିଲେ। ଏହି ବୃକ୍ଷରୋପଣ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଦେବସ୍ମିତା ମହାପାତ୍ର, ରଶ୍ମିରଞ୍ଜନ ପାଣି, ସୌଭାଗ୍ୟ ରଞ୍ଜନ ସାହୁ, ଦେବାପ୍ରସାଦ ମହାନ୍ତି, ସଂଗ୍ରାମ କେଶରୀ ନାୟକ, ମନୋଜ କୁମାର ବେହେରା ଏବଂ ହିମାଦ୍ରୀ ନନ୍ଦନ ମିଶ୍ର ପ୍ରମୁଖ ଯୋଗେଇଥିଲେ।
Comments are closed.