ଭୁବନେଶ୍ବର: ପୁଣି ନବୀନ ପଟ୍ଟନାୟକ ହେଲେ ବିଜୁ ଜନତା ଦଳର ସଭାପତି। ଅଷ୍ଟମ ଥର ଲାଗି ଦଳର ମୁଖିଆ ହୋଇଛନ୍ତି ନବୀନ। ବିଜେଡି ରାଜ୍ୟ ପରିଷଦ ବୈଠକରେ ବିଧିବଦ୍ଧ ଭାବେ ନବୀନଙ୍କୁ ସଭାପତି ଭାବେ ଘୋଷଣା କରାଯାଇଛି।
୧୯୯୭ରେ ବିଜୁ ଜନତା ଦଳ ଗଠନ ପରଠାରୁ ଦୀର୍ଘ ୨୩ ବର୍ଷ ଧରି ଦଳର ସଭାପତି ପଦ ସମ୍ଭାଳି ଆସୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ଏହି ପଦ ସମ୍ଭାଳିବାକୁ ଯାଉଛନ୍ତି।
ଗତ ୨୩ ତାରିଖରେ ବିଜେଡି ସଭାପତି ପଦ ପାଇଁ ନବୀନ ପଟ୍ଟନାୟକ ରାଜ୍ୟ ମୁଖ୍ୟ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଥିଲେ। ତାଙ୍କ ନାମାଙ୍କନ ପାଇଁ ୧୦ ଜଣ ପ୍ରସ୍ତାବକ ଓ ସମର୍ଥକ ରହିଥିଲେ । ତେବେ ଆଜି ବିଜେଡିର ରାଜ୍ୟ ପରିଷଦ ଓ କାର୍ଯ୍ୟକାରିଣୀ ବୈଠକରେ ନବୀନଙ୍କୁ ବିଧିବଦ୍ଧ ଭାବେ ସଭାପତି ଘୋଷଣା କରାଯାଇଛି।
Comments are closed.