ଟିଏମସିରେ ଯୋଗ ଦେଇପାରନ୍ତି ଶତ୍ରୁଘ୍ନ ସିହ୍ନା
ପାଟନା: ଟିଏମସିରେ ଯୋଗଦେବେ କଂଗ୍ରେସର ବରିଷ୍ଠ ନେତା ଶତ୍ରଘ୍ନ ସିହ୍ନା। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନେତୃତ୍ୱରେ ଟିଏମସିରେ ଯୋଗ ଦେଇପାରନ୍ତି। ସିହ୍ନାଙ୍କ ନିକଟ ସୂତ୍ରରୁ ଏହି ସୂଚନା ମିଳିଛ। ସୂଚନା ମୁତାବକ ଜୁଲାଇ ୨୧ରେ ସହିଦ ଦିବସ କାର୍ଯ୍ୟକ୍ରମରେ ସିହ୍ନା ତ୍ରୁଣମୂଳରେ ସାମିଲ ହୋଇପାରନ୍ତି।
ନିକଟରେ ସିହ୍ନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମର୍ଥନରେ ହିନ୍ଦୀରେ ଏକ ଟୁଇଟ୍ କରିଥିଲେ। ପରେ ସେ ଭାରତୀୟ ଜନତା ପାର୍ଟି (ବିଜେପି) କୁ ଫେରିପାରନ୍ତି ବୋଲି ଅନୁମାନ କରାଯାଉଥିଲା। କିନ୍ତୁ ସୂଚନାନୁସାରେ, ନିକଟରେ ହୋଇଥିବା ବେଙ୍ଗଲ ବିଧାନସଭା ନିର୍ବାଚନରେ ବିଜେପିକୁ ପରାସ୍ତ କରିଥିବା ତ୍ରୁଣମୂଳ କଂଗ୍ରେସ ପ୍ରତି ତାଙ୍କର ଅଧିକ ଆଶା ବୃଦ୍ଧି ପାଇଛି। ୨୦୨୪ ଲୋକସଭା ନିର୍ବାଚନରେ ମମତା ବାନାର୍ଜୀ ମୋଦୀଙ୍କ ସବୁଠାରୁ ବଡ ପ୍ରତିଦ୍ୱନ୍ଦ୍ୱୀ ବୋଲି ବିବେଚନା କରାଯାଏ।
ଏହି ବିଷୟରେ ସିହ୍ନାଙ୍କୁ ଏକ ପ୍ରଶ୍ନ ପଚରାଗଲା, ସେ କହିଥିଲେ ଯେ ‘ରାଜନୀତି ସମ୍ଭାବନା ଅନୁସନ୍ଧାନର ଏକ କଳା’। କୋଲକାତାର ତ୍ରୁଣମୁଲ ନେତାଙ୍କ ଏକ ଗୋଷ୍ଠୀ କହିଛନ୍ତି ଯେ, ସେମାନେ ଏ ବାବଦରେ ସିହ୍ନାଙ୍କ ସହ ଆଲୋଚନା କରୁଛନ୍ତି। ଆଲୋଚନା ସଠିକ୍ ଦିଗରେ ଗତି କରୁଛି। ସେ କହିଛନ୍ତି ଯେ ବାନାର୍ଜୀଙ୍କ ସହ ଶତ୍ରୁଘ୍ନ ସିହ୍ନାଙ୍କ ସମ୍ପର୍କ ସର୍ବଦା ଭଲ ରହିଛି।