ନୟାଗଡ଼: ନୟାଗଡ଼ରେ ପରୀ ଘଟଣା ଏବେବି ଲୋକଙ୍କ ମନରୁ ଲିଭି ନଥିବା ବେଳେ ଆଉ ଜଣେ ଶିଶୁ ନିଖୋଜ ହୋଇଥିବାର ଘଟଣା ସାମ୍ନାକୁ ଆସିଛି। ଘଟଣାଟି ଘଟିଛି ଖଣ୍ଡପଡ଼ା ବ୍ଲକ କିଆଝର ଗ୍ରାମରେ। କିଆଝରର ଲକ୍ଷ୍ମଣ ଲେଙ୍କାଙ୍କ ୬ବର୍ଷର ପୁଆ ଲୁଡୁ ମଙ୍ଗଳବାର ଅପରାହ୍ନ ୩ଟାରୁ ଘରଛାଡି କେଉଁଆଡେ ନିଖୋଜ ହୋଇଯାଇଥିବା ଜଣାଯାଇଛି। ପରିବାରବର୍ଗ ଓ ସ୍ଥାନୀୟ ବାସିନ୍ଦା ସ୍ଥାନୀୟ ଅଞ୍ଚଳର ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେହେଁ ରିପୋର୍ଟ ଲେଖାହେବା ପର୍ଯ୍ୟନ୍ତ ନିଖୋଜ ବାଳକଟିର କୌଣସି ଖୋଜଖବର ମିଳି ପାରି ନାହିଁ।
ଏନେଇ ପରିବାରବର୍ଗ ଆଶା ଆଶଙ୍କାରେ ଦିନ କାଟୁଥିବା ବେଳେ ନିଖୋଜ ବାଳକର ପିତା ଖଣ୍ଡପଡ଼ା ଥାନାରେ ସନ୍ଧ୍ୟା ୮ଟାରେ ଲିତ ଅଭିଯୋଗ କରିଥିବା ଜଣାଯାଇଛି। ଅଭିଯୋଗ ଅଧାରରେ ଆଇଆଇସି ବିଶ୍ବଜିତ ରାଉତରାୟ ସଦଳବଳେ ଘଟଣାସ୍ଥଳ ପରିଦର୍ଶନ କରିଥିବା ଖଣ୍ଡପଡ଼ା ଥାନା ସୁତ୍ରରୁ ଜଣାପଡିଛି।
Comments are closed.