Odisha Link
Bridging the Missing Links in Odisha

ରାମଦେବଙ୍କୁ ହଜାରେ କୋଟିର ମାନହାନୀ ନୋଟିସ ପଠାଇଲା IMA

ଉତ୍ତରାଖଣ୍ଡ: ଏଲୋପାଥି ଚିକିତ୍ସାକୁ ନେଇ ଦେଇଥିବା ବିବାଦୀୟ ବୟାନ ପାଇଁ ବାବା ରାମଦେବଙ୍କ ଅଡ଼ୁଆ ବଢ଼ିବାରେ ଲାଗିଛି। ଆଜି ଆଇଏମଏ ଉତ୍ତରାଖଣ୍ଡ ପକ୍ଷରୁ ରାମଦେବଙ୍କ ନାଁରେ ହଜାରେ କୋଟି ଟଙ୍କାର ମାନହାନୀ ନୋଟିସ ପଠାଯାଇଛି।

ରାମଦେବଙ୍କୁ ଆଇଏମଏ ଉତ୍ତରାଖଣ୍ଡ ପଠାଇଥିବା ନୋଟିସ୍‌ରେ କହିଛି ଯେ, ଯଦି ୧୫ ଦିନ ମଧ୍ୟରେ ଏଲୋପାଥି ଚିକିତ୍ସାକୁ ବିରୋଧ କରି ସେ ଦେଇଥିବା ବୟାନ ବିରୋଧରେ କୌଣସି ଭିଡିଓ ଜାରି ନ କରନ୍ତି କିମ୍ବା ନିଜର ବୟାନ ପାଇଁ କୌଣସି ଲିଖିତ କ୍ଷମା ନ ମାଗନ୍ତି, ତା’ହେଲେ ତାଙ୍କ ବିରୋଧରେ ୧୦୦୦ କୋଟିର ମାନହାନୀ କେସ୍‌ କରାଯିବ।

ଏଥିସହ ଆଇଏମଏ ଉତ୍ତରାଞ୍ଚଳ ଷ୍ଟେଟ ବ୍ରାଞ୍ଚ ମଧ୍ୟ ମୁଖ୍ୟମନ୍ତ୍ରୀ ତୀରଥ ସିଂହ ରାୱତଙ୍କୁ ଚିଠି ଲେଖି ରାମଦେବ ଏଲୋପାଥି ବିରୋଧରେ ଦେଇଥିବା ବୟାନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି। ଆଇଏମଏ ପକ୍ଷରୁ କୁହାଯାଇଛି ଯେ ରାମଦେବଙ୍କର ନିକଟରେ ଗୋଟିଏ ଭିଡିଓ ଭାଇରାଲ ହୋଇଥିଲା। ଯେଉଁଥିରେ ସେ ଏଲୋପାଥିକୁ ଷ୍ଟୁପିଡ ସାଇନ୍ସ ବୋଲି କହିଥିଲେ।

ଏଥିସହ ସେ ଡିସିଜିଆଇ ଦ୍ୱାରା ଅନୁମୋଦପ୍ରାପ୍ତ ରେମଡେସିଭିର, ଫାବିଫ୍ଲ୍ୟୁ ଓ ଅନ୍ୟାନ୍ୟ ଔଷଧ କରୋନା ଚିକିତ୍ସା କରିବାରେ ବିଫଳ ବୋଲି କହିଥିଲେ। ତେଣୁ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆଇଏମଏ ଦାବି କରିଥିଲା।

ରାମଦେବଙ୍କ ବୟାନକୁ ଆଇଏମଏ, ଏମ୍ସର ରେସିଡେଣ୍ଟ ଡକ୍ଟର ଆସୋସିଏସନ୍ସ ଓ ସଫଦରଜଙ୍ଗ ହସ୍ପିଟାଲ୍ସ ପକ୍ଷରୁ ବିରୋଧ କରାଯାଇଥିଲା। ଯୋଗ ଗୁରୁ ରାମଦେବଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ଦାବି କରିଥିଲେ।

Leave A Reply

Your email address will not be published.