ଓଏଲ୍ ବ୍ୟୁରୋ: ଅଯୋଧ୍ୟାରେ ନିର୍ମିତ ଭବ୍ୟ ମନ୍ଦିରରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ପରେ ସାଧାରଣ ଦର୍ଶନ ଆରମ୍ଭ ହୋଇଛି। ପ୍ରତିଷ୍ଠା ପରେ ପ୍ରଥମ ସକାଳେ ଭକ୍ତମାନେ ପୂଜାପାଠ କରିବା ପାଇଁ ଶ୍ରୀରାମ ମନ୍ଦିରର ମୁଖ୍ୟ ଫାଟକରେ ବହୁ ସଂଖ୍ୟାରେ ଏକାଠି ହୋଇଥିଲେ। ଆଜି ବି ରାମଲାଲାଙ୍କ ଦର୍ଶନ ପାଇଁ ଅଯୋଧ୍ୟାରେ ଜନସମୁଦ୍ର ଦେଖିବାକୁ ମିଳିଛି। ସମସ୍ତ ଭକ୍ତଙ୍କ ପାଇଁ ନୂଆ ରାମ ମନ୍ଦିରର ଦ୍ୱାର ଖୋଲିଛି। ଭକ୍ତମାନେ ପବିତ୍ର ମନ୍ଦିରରେ ବସିଥିବା ପ୍ରତିମା ସହିତ ନୂତନ ପ୍ରତିମା ଦର୍ଶନ କରୁଛନ୍ତି।
ଅସ୍ଥାୟୀ ମନ୍ଦିରରେ ରଖାଯାଇଥିବା ରାମଲାଲାଙ୍କ ଦର୍ଶନ ୨୦ଜାନୁଆରୀ ସକାଳରୁ ବନ୍ଦ ହୋଇଯାଇଥିଲା। ପ୍ରାଣ ପ୍ରତିଷ୍ଠା ସମାରୋହର ପ୍ରସ୍ତୁତିକୁ ଅନ୍ତିମ ସ୍ପର୍ଶ ଦେବା ଲକ୍ଷ୍ୟରେ ଟ୍ରଷ୍ଟ ଏହି ନିଷ୍ପତ୍ତି ନେଇଛି। ଏହି ସମୟରେ ରବିବାର ରାତିରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାମ ଲାଲାଙ୍କ ମୂର୍ତ୍ତିକୁ ନୂଆ ମନ୍ଦିରରେ ସ୍ଥାପନ କରିବା ପାଇଁ ପୁରୋହିତମାନଙ୍କୁ ଦେଇଥିଲେ। ନୂତନ ପ୍ରତିମା ସ୍ଥାପନ ପରେ ରାମ ମନ୍ଦିରରେ ଥିବା ଉଭୟ ମୂର୍ତ୍ତିର ଦର୍ଶନ ମଙ୍ଗଳବାର ଠାରୁ ସମସ୍ତ ଭକ୍ତଙ୍କ ନିକଟରେ ଉପଲବ୍ଧ ହୋଇଛି।