ଓଏଲ୍ ବ୍ୟୁରୋ: ଓଡିଶା ଭାରୋତ୍ତଳନ ଆସୋସିଏସନ୍ ଆନୁକୁଲ୍ୟରେ ଆଜିଠାରୁ ତିନିଦିନ ଧରି ଗଞ୍ଜାମ ଜିଲ୍ଲା ବ୍ରହ୍ମପୁର ସ୍ଥିତ ମହାତ୍ମା ଗାନ୍ଧୀ ଷ୍ଟାଡିୟମ୍ ଠାରେ ୭୧ତମ ରାଜ୍ୟ ଭାରୋତ୍ତଳନ ଚମ୍ପିୟାନସିପ -୨୦୨୪କୁ ମୁଖ୍ୟ ଅତିଥି ରୂପେ ଯୋଗ ଦେଇ ବ୍ରହ୍ମପୁର ବିଧାୟକ ଅନିଲ କୁମାର ଉଦ୍ଘାଟନ କରିଛନ୍ତି। ଏଥିରେ ରାଜ୍ୟର ଖୋର୍ଦ୍ଧା, କଟକ, ଗଞ୍ଜାମ, ମୟୂରଭଞ୍ଜ, ବାଲେଶ୍ଵର, ରାୟଗଡ଼ା, ପୁରୀ, ବଲାଙ୍ଗୀର, ସୁନ୍ଦରଗଡ଼, ରାଉରକେଲା, ଢେଙ୍କାନାଳ, ନବରଙ୍ଗପୁର, ଦେବଗଡ଼ ଏବଂ କେନ୍ଦ୍ରାପଡା ଆଦି ବିଭିନ୍ନ ଜିଲ୍ଲାରୁ ଯୋଗ୍ୟ ବିବେଚିତ ୧୨୦ ଜଣ ପୁରୁଷ ଓ ୪୦ ଜଣ ମହିଳା ପ୍ରତିଯୋଗୀ ଅଂଶଗ୍ରହଣ କରୁଛନ୍ତି। ସେହିପରି ୫୦ ଜଣ ଅଫିସିଆଲ୍ ଯୋଗ ଦେଇଥିବା ସୂଚନା ମିଳିଛି। ସକାଳ ୧୦ ସମୟରେ ଉଦ୍ଘାଟନ ହୋଇଯାଇଛି। ଏହିଠାରୁ ଜାତୀୟ ସ୍ତରୀୟ ପ୍ରତିଯୋଗୀତା ପାଇଁ ଖେଳାଳି ଚୟନ କରାଯିବ ବୋଲି ସଭାପତି ଈଂ ଚିତ୍ତ ରଂଜନ ସ୍ବାଇଁ ସୂଚନା ଦେଇଛନ୍ତି।
