ନୂଆଦିଲ୍ଲୀ: ଆଜି ନୂଆଦିଲ୍ଲୀରେ ନାଗରିକତା ସଂଶୋଧନ ଆଇନ(ସିଏଏ) ସମର୍ଥନରେ ମୁସଲମାନଙ୍କ ପକ୍ଷରୁ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ହେଲେ କିଛି ସମୟ ପରେ କିଛି ଅଜ୍ଞାତ ଯୁବକ ଆସି ବିକ୍ଷୋଭ ପ୍ରଦର୍ଶନ କରାଇଥିଲେ। ଫଳରେ କାର୍ଯ୍ୟକ୍ରମକୁ ବନ୍ଦ କରିଦିଆ ଯାଇଥିଲା।
କାର୍ଯ୍ୟକ୍ରମ ଆରମ୍ଭ ହେବା ସମୟରେ ୭/୮ ଯୁବକ ସେଠାରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିବା ସହିତ ଗଣ୍ଡଗୋଳିଆ ପରିସ୍ଥିତି ସୃଷ୍ଟି କରିଥିଲେ। ଏଭଳିକି ସିଏଏ ବିରୋଧି ସ୍ଲୋଗାନ୍ ମଧ୍ୟ ଦେଇଥିଲେ ଯୁବ ଗୋଷ୍ଠୀ। ଫଳରେ କାର୍ଯ୍ୟକ୍ରମକୁ ବନ୍ଦ କରିଦିଆଯାଇଥିଲା।
ସୂଚନା ଅନୁସାରେ, ରାଷ୍ଟ୍ରୀୟ ସ୍ବୟଂସେବକ ସଂଘ(ଆରଏସଏସ)ର ମୁସଲିମ ଶାଖା ମୁସଲିମ ରାଷ୍ଟ୍ରୀୟ ମଞ୍ଚ ପକ୍ଷରୁ ସିଏଏ ସମର୍ଥନରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଥିରେ ଦେଶର ବିଭିନ୍ନ ସ୍ଥାନରୁ ମୁସଲମାନମାନେ ଆସି ଏକାଠି ହୋଇଥିଲେ। ଆରଏସଏସ ନେତା ଇଂଦ୍ରେଶ କୁମାର ମଞ୍ଚକୁ ଆସିବା କ୍ଷଣି ସେଠାରେ କିଛି ଅଜ୍ଞାତ ଯୁବକ ପହଞ୍ଚି ହୋହଲ୍ଲା କରିଥିଲେ। ପରେ ସିଏଏ ବିରୋଧୀ ପୋଷ୍ଟର ବ୍ୟାନର ପ୍ରଦର୍ଶନ କରିଥିଲେ। ଜଣେ ଆରଏସଏସ କର୍ମୀ କହିଛନ୍ତି ଯେ, ଦେଶର ବିଭିନ୍ନ ସ୍ଥାନରୁ ମୁସଲମାନ ଧର୍ମଯାଜକମାନଙ୍କୁ ଏହି କାର୍ଯ୍ୟକ୍ରମକୁ ଆମନ୍ତ୍ରଣ କରାଯାଇଥିଲା। କିନ୍ତୁ କଂଗ୍ରେସ କର୍ମୀମାନେ ପହଞ୍ଚି ଗଣ୍ଡଗୋଳିଆ ପରିସ୍ଥିତି ସୃଷ୍ଟି କରିଥିଲେ ବୋଲି ସମ୍ପୃକ୍ତ ଆରଏସଏସ କର୍ମୀ ଅଭିଯୋଗ କରିଛନ୍ତି।
Comments are closed.