ଆୟୁଷ୍ମାନ ଭାରତ ଯୋଜନାରେ ମାଗଣା କରୋନା ଚିକିତ୍ସା

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ସ୍ବାସ୍ଥ୍ୟସେବା ଯୋଜନା ଆୟୁଷ୍ମାନ ଭାରତରେ ସାମିଲ ହେଲା କରୋନା ଚିକିତ୍ସା। ଏଣିକି ଏହି ଯୋଜନାର ହିତାଧୀକାରୀଙ୍କୁ ମାଗଣା କରୋନା ଭୂତାଣୁ ପରୀକ୍ଷଣ ଓ ଚିକିତ୍ସା ସୁବିଧା ମିଳିବ। ଆୟୁଷ୍ମାନ ଭାରତ ଯୋଜନାରେ ପ୍ୟାନେଲଭୁକ୍ତ ସମସ୍ତ ଘରୋଇ ଚିକିତ୍ସାଳୟ ଓ ପରୀକ୍ଷଣ କେନ୍ଦ୍ରରେ ଜନତାଙ୍କୁ ମାଗଣା କରୋନା ଚିକିତ୍ସା ଯୋଗାଇ ଦିଆଯିବ ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛନ୍ତି।

More than 50 crore poor & vulnerable citizens shall henceforth be eligible for free #COVID_19 testing & treatment under #AyushmanBharat #PMJAY
Testing at private labs & treatment in designated hospitals now made free for Ayushman beneficiaries across India@AyushmanNHA @ibhushan pic.twitter.com/ikXQhhYJJy

— Dr Harsh Vardhan (@drharshvardhan) April 4, 2020

ଓଡ଼ିଶାରେ ଆୟୁଷ୍ମାନ ଭାରତ ଯୋଜନା ଲାଗୁ ହୋଇନଥିଲେ ହେଁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ସମସ୍ତ ରାଜ୍ୟବାସୀଙ୍କ ପାଇଁ ସମସ୍ତ ସରକାରୀ ଜିକିତ୍ସାଳୟରେ ସମସ୍ତ ପ୍ରକାର ଚିକିତ୍ସା ଓ ପରୀକ୍ଷଣ ମାଗଣା କରାଯାଉଛି। କରୋନା ଚିକିତ୍ସା ମଧ୍ୟ ମାଗଣା ହେବ ବୋଲି ରାଜ୍ୟ ସରକାର ପୂର୍ବରୁ ଘୋଷଣା କରି ସାରିଛନ୍ତି। ରାଜ୍ୟରେ କରୋନା ଚିକିତ୍ସା ପାଇଁ ସରକାର ୪ ଗୋଟି ସ୍ବତନ୍ତ୍ର କୋଭିଡ୍‌ ହସ୍ପିଟାଲ ଖୋଲିଥିବା ବେଳେ ଏ ସଂଖ୍ୟା ଅଧିକ ହେବ ବୋଲି ସୂଚନା ରହିଛି।

ରାଜ୍ୟରେ ଆୟୁଷ୍ମାନ ଭାରତ ଯୋଜନା ଲାଗୁ ପାଇଁ କେନ୍ଦ୍ର ରାଜ୍ୟକୁ ବାରମ୍ବାର ଅନୁରୋଧ କରି ଆସୁଥିଲେ ବି ଏପିଏଲ୍-ବିପିଏଲ୍‌ ପ୍ରାଚୀନ ନ ହଟାିବା ପର୍ଯ୍ୟନ୍ତ ଓଡ଼ିଶା ଏହି ଯୋଜନାକୁ ଗ୍ରହଣ କରିବ ନାହିଁ ବୋଲି ରାଜ୍ୟ ସରକାର ରୋକଠୋକ ଶୁଣାଇ ଦେଇଛନ୍ତି।