କୋରାପୁଟ: ଲମତାପୁଟରୁ ବିପୁଳ ପରିମାଣର ଗଞ୍ଜେଇ ଜବତ କରାଯାଇଛି। ଜବତ ହୋଇଥିବା ଗଞ୍ଜେଇର ପରିମାଣ ପ୍ରାୟ ୫୦ ଲକ୍ଷ ଟଙ୍କା ହେବ। ଜଲାପୁଟ ଅଞ୍ଚଳରୁ ଜୟପୁର ଚାଲାଣ ବେଳେ ଗଞ୍ଜେଇ ଜବତ କରିଛି ଲମତାପୁଟ ପୋଲିସ। ସଗର ଗ୍ରାମ ଛକ ନିକଟରେ ଲମତାପୁଟ ପୋଲିସ ପାଟ୍ରୋଲିଂ କରୁଥିବା ସମୟରେ ଜଲାପୁଟରୁ ଦ୍ରୁତ ଗତିରେ ଆସୁଥିବା ପିକଅପ୍ ଭ୍ୟାନ ଏବଂ ବୋଲେରକୁ ଅଟକାଇବା ପାଇଁ ଚେଷ୍ଟା କରିଥିଲା। କିନ୍ତୁ ଗାଡି ଦୁଇଟି ବିପରିତ ଦିଗକୁ ବୁଲାଇ ପୋଲିସକୁ ଚକମା ଦେଇ ଚାଲି ଯାଉଥିଲେ।
ଅନ୍ଧାର ରାତି ଏବଂ ବର୍ଷାର ସୁଯୋଗ ନେଇ ଜଙ୍ଗଲରେ ଗାଡି ଛାଡି ମାଫିଆ ମାନେ ଚମ୍ପଟ ମାରିଥିଲେ। ଗାଡି ଦୁଇଟିକୁ ଯାଞ୍ଚ କରିବା ବେଳେ ପିକଅପ ଭ୍ୟାନରୁ ବିପୁଳ ପରିମାଣର ଗଞ୍ଜେଇ ଥିବା ଜଣାପଡିଥିଲା। ୨ଟି ଯାକ ଗାଡିକୁ ଜବତ କରିଛି ପୋଲିସ। ଜବତ ଗାଡି ମାଲିକଙ୍କ ନାଁରେ କେସ ରୁଜୁ କରି ତଦନ୍ତ ଚାଲିଛି।
Comments are closed.