ଭୋପାଳ: କରୱାଚୌଥରେ ମହିଳାମାନେ ନିଜ ସ୍ୱାମୀଙ୍କ ଦୀର୍ଘ ଜୀବନ କାମନା କରି ଉପବାସ କରିଥାନ୍ତି। କିନ୍ତୁ ଏହି କରୱାଚୌଥରେ ନିଜ ସ୍ୱାମୀର ଜୀବନ ନେଲା ସ୍ତ୍ରୀ। ପିଲା ନହେବାରୁ ସ୍ବାମୀକୁ ଜାଳି ଦେଲା ସ୍ତ୍ରୀ। ଏହି ଘଟଣାଟି ମଧ୍ୟପ୍ରଦେଶରେ ଘଟିଛି। ଜଣେ ମହିଳା ତାଙ୍କ ସ୍ୱାମୀଙ୍କୁ ଜୀଅନ୍ତା ଜାଳି ଦେଇଥିବାର ଖବର ସାମ୍ନାକୁ ଆସିଛି।
ପୁଲିସ ସୂଚନା ଅନୁସାରେ, ମଧ୍ୟପ୍ରଦେଶର ଗାନ୍ଧୱାନୀର ବୋରଡ଼ାବରା ଗ୍ରାମରେ ଏଭଳି ଘଟଣା ଘଟିଛି। ବିବାହର ୮ ବର୍ଷ ପରେ ମଧ୍ୟ ସନ୍ତାନ ଜନ୍ମ ନହେବା ଝଗଡ଼ାର ମୁଖ୍ୟ କାରଣ ଥିଲା। ସନ୍ତାନ ନ ଥିବାରୁ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଅଧିକାଂଶ ସମୟ ଝଗଡା ହେଉଥିଲା।
ଘଟଣା ଦିନ ବିବାଦ ଏତେ ବଢିଯାଇଥିଲା ଯେ ପତ୍ନୀ ହିରଲାବାଇ ତାଙ୍କ ସ୍ୱାମୀଙ୍କ ଉପରେ କିରୋସିନି ଢାଳି ନିଆଁ ଲଗାଇ ଦେଇଥିଲେ। ସ୍ବାମୀକୁ ଆହତ ଅବସ୍ଥାରେ ଜିଲ୍ଲା ଡାକ୍ତରଖାନାକୁ ପଠାଯାଇଥିଲା। ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଅଭିଯୁକ୍ତ ପତ୍ନୀକୁ ଗିରଫ କରିଛି।
Comments are closed.