ଓଏଲ୍ ବ୍ୟୁରୋ: କାଲିଠୁ ପୁଣିଥରେ ବଢ଼ିବ କ୍ଷୀର ଦାମ। ଅମୁଲ କ୍ଷୀର ଲିଟର ପିଛା ୨ ଟଙ୍କା ବୃଦ୍ଧି କରିବାକୁ ନିଷ୍ପତ୍ତି ନେଇଛି ଅମୁଲ କମ୍ପାନୀ। ଆସନ୍ତାକାଲି ଅର୍ଥାତ୍ ମାର୍ଚ୍ଚ ପହିଲାରୁ ଏହି ବର୍ଦ୍ଧିିତ ଦର ସାରା ଦେଶରେ ଲାଗୁ ହେବ।
ସୋମବାର ଅମୁଲ ବ୍ରାଣ୍ଡର ପରିଚାଳନା କରୁଥିବା ଗୁଜରାଟ ସହକାରୀ ଦୁଗ୍ଧ ବିତରଣ ସଂଘ ବୟାନ ଜାରି ଏଭଳି କିଛି ଘୋଷଣା କରିଛି। କମ୍ପାନୀ କହିଛି ବିଜୁଳି, ପ୍ୟାକେଜିଂ, ପରିବହନ ଏବଂ ପଶୁ ଚାରାରେ ମୂଲ୍ୟ ବୃଦ୍ଧି ଯୋଗୁଁ ଏହି ନିଷ୍ପତ୍ତି ନିଆଯାଇଛି।
AMUL increases the price of milk by Rs 2. The prices will come into effect from tomorrow (March 1, 2022) pic.twitter.com/R2IeDQFtOo
— ANI (@ANI) February 28, 2022
ନୂଆ ଦର ଲାଗୁ ହେବା ପରେ ଅହମଦାବାଦ ଏବଂ ସୌରାଷ୍ଟ୍ରର ବଜାରରେ ୫୦୦ ମିଲିଲିଟର ଅମୁଲ ଗୋଲ୍ଡରେ ମୂଲ୍ୟ ୩୦ ଟଙ୍କାରେ ପହଞ୍ଚିବ। ସେହିପରି ଅମୁଲ ତାଜାର ୫୦୦ ମିଲିମିଟର ପକେଟ ୨୪ ଟଙ୍କା ଏବଂ ଅମୁଲ ଶକ୍ତିର ୫୦୦ ମିଲିମିଟର ପକେଟ ୨୭ ଟଙ୍କାରେ ବିକ୍ରି ହେବ।