ଓଏଲ୍ ବ୍ୟୁରୋ: ଆଜି ସନ୍ଧ୍ୟାରେ ନବୀନ ନିବାସରେ ବିଜୁ ଜନତା ଦଳର ଗୁରୁତ୍ୱପୂର୍ଣ୍ଣ ବୈଠକ ଆୟୋଜିତ ହେବା ନେଇ ସୂଚନା ରହିଛି। ଜିଲ୍ଲା ପର୍ଯ୍ୟବେକ୍ଷକଙ୍କ ସମେତ ବରିଷ୍ଠ ନେତାଙ୍କୁ ଡାକରା ଦିଆଯାଇଛି। ଆଗାମୀ ନିର୍ବାଚନ ନେଇ ପ୍ରସ୍ତୁତି, ଘରେ ଘରେ ଶଙ୍ଖ କାର୍ଯ୍ୟକ୍ରମ, ଗାନ୍ଧୀ ଜୟନ୍ତୀରୁ ପଦଯାତ୍ରା, ମୁଖ୍ୟମନ୍ତ୍ରୀଙ୍କର ବିଭିନ୍ନ ସଭା ନେଇ ଆଜିର ବୈଠକରେ ଆଲୋଚନା ହେବା ସମ୍ଭାବନା ରହିଛି।
ଅନ୍ୟପଟେ, ଶଙ୍ଖ ଭବନରେ ସାଙ୍ଗଠନିକ ସମ୍ପାଦକଙ୍କୁ ଭେଟି ବିଭିନ୍ନ ପ୍ରସଙ୍ଗରେ ବିଧାୟକମାନେ ସଙ୍ଗଠନ ନେଇ ଆଲୋଚନା କରୁଛନ୍ତି। ଦଳୀୟ ସଙ୍ଗଠନକୁ ମଜଭୁତ କରିବା ନେଇ ଆଲୋଚନା ହୋଇଛି ବୋଲି ବିଧାୟକ ସମୀର ଦାଶ କହିଛନ୍ତି। ନିର୍ବାଚନ ପ୍ରସ୍ତୁତି, ପଦଯାତ୍ରା, ମୁଖ୍ୟମନ୍ତ୍ରୀଙ୍କ ସଭା ନେଇ ଆଲୋଚନା ସମ୍ଭାବନା ରହିଥିବା କୁହାଯାଉଛି।