ଭୁବନେଶ୍ବର ପଦ୍ମକେଶରୀପୁରରେ ଗୋଷ୍ଠୀ ସଂଘର୍ଷ: ୩୦ରୁ ଅଧିକ ଲୋକଙ୍କୁ ଉଠାଇ ନେଲା ପୁଲିସ

ଓଏଲ୍‌ ବ୍ୟୁରୋ: ଭୁବନେଶ୍ବର ପଦ୍ମକେଶରୀପୁରରେ ଗୋଷ୍ଠୀ ସଂଘର୍ଷ ହୋଇଥିବା ଘଟଣା ସାମ୍ନାକୁ ଆସିଛି। ଉଭୟ ଗୋଷ୍ଠୀର ୩୦ରୁ ଅଧିକ ଲୋକ ଗିରଫ ହୋଇଥିବା ଜଣା ପଡିଛି। ବିଳମ୍ବିତ ରାତିରେ ମଞ୍ଚେଶ୍ବର ଥାନା ପୁଲିସ ଗିରଫ କରିଛି। ଆଗକୁ ଗିରଫଦାରୀ ସଂଖ୍ୟା ବଢ଼ି ପାରେ ବୋଲି କମିଶନରେଟ୍‌ ପୁଲିସ ସୂଚନା ଦେଇଛି।

ସୂଚନା ଅନୁସାରେ, ଗତ ୧ ତାରିଖରେ ୧ ଓ ୩ନଂ ୱାର୍ଡବାସୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। କାଚ ବୋତଲ, ପଥର ମାଡ଼ରେ ଉଭୟପଟୁ ୧୦ ଆହତ ହୋଇଥିଲେ। ତେବେ ଗ୍ରାମବାସୀଙ୍କ ମଧ୍ୟରେ ଉତ୍ତେଜନା କାରଣରୁ କମିଶନରେଟ୍‌ ପୁଲିସ ଏଭଳି ପଦକ୍ଷେପ ନେଇଛି। ତେବେ ଆଗକୁ ଗିରଫଦାରୀ ସଂଖ୍ୟା ବଢିପାରେ ବୋଲି କମିଶନରେଟ୍‌ ପୁଲିସ ସୂଚନା ଦେଇଛି।