ନୂଆଦିଲ୍ଲୀ: ଦିନକୁ ଦିନ ଭାରତରେ କାୟା ବିସ୍ତାର କରୁଛି ମହାମାରୀ କରୋନା ଭାଇରସ୍। ଏପରିକି ଦିନକୁ ଦିନ ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଆଜି ସକାଳ ସୁଦ୍ଧା ଦେଶରେ ୧୨,୦୦୦ରୁ ଅଧିକ ଲୋକ କରୋନା ଆକ୍ରାନ୍ତ ହୋଇଛନ୍ତି। ଏହାରି ମଧ୍ୟରେ ଭାରତ ଚୀନଠାରୁ ଦେଢ଼ କୋଟି ପିପିଇ କିଟସ୍ର ଅର୍ଡର କରିଛି। ଏହି ସମୟରେ, ଚା ଇନାର ବୃହତ ଘରୋଇ କମ୍ପାନୀ ଗୁଡିକରୁ ଦାନ ଭାବରେ ଭାରତ ଗ୍ରହଣ କରିଥିବା ଅନେକ କିଟ୍ ଯାଞ୍ଚରେ ବିଫଳ ହୋଇଛି।
ଦି ଇକୋନୋମିକ୍ ଟାଇମ୍ସ ଅନୁଯାୟୀ, ଏହି ମାମଲା ସହ ଜଡିତ ଜଣେ ବ୍ୟକ୍ତି କହିଛନ୍ତି ଯେ ଚାଇନାରୁ ୧,୭୦,୦୦୦ ପିପିଇ କିଟ୍ ଆସିଛି, ଯେଉଁଥିରେ ୫୦,୦୦୦ କିଟ୍ ଗୁଣାତ୍ମକ ପରୀକ୍ଷାରେ ବିଫଳ ହୋଇଛି। ବ୍ୟକ୍ତି ଜଣକ କହିଛନ୍ତି ଯେ ୩୦,୦୦୦ ଏବଂ ୧୦,୦୦୦ କିଟ୍ ର ଦୁଇଟି ଛୋଟ ସାମଗ୍ରୀ ମଧ୍ୟ ଆସିଛି ଯାହା ପରୀକ୍ଷାରେ ବିଫଳ ହୋଇଛି। ଏହି କିଟ୍ ଗୁଡିକ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଲାବୋରେଟୋରୀ, ଗ୍ୱାଲିଅରରେ ପରୀକ୍ଷା କରାଯାଇଥିଲା।
ରିପୋର୍ଟ ଅନୁଯାୟୀ, ଅନ୍ୟଏକ ସରକାରୀ କର୍ମଚାରୀ କହିଛନ୍ତି ଯେ ସେମାନେ କେବଳ CE/FDAcertified PPE କିଟ୍ କିଣୁଛନ୍ତି। ଦାନ ଭାବରେ ଗ୍ରହଣ କରାଯାଇଥିବା କିଛି କିଟ୍ ଗୁଣାତ୍ମକ ପରୀକ୍ଷଣରେ ବିଫଳ ହୋଇଛି ଏବଂ ବ୍ୟବହାର କରାଯାଇପାରିବ ନାହିଁ ।ଏଥି ସହିତ ଏହି ମାମଲା ସହ ଜଡିତ ବ୍ୟକ୍ତି କହିଛନ୍ତି ଯେ CE/FDAcertified ଅନୁମୋଦିତ PPE କିଟ୍ ଭାରତରେ ଗୁଣାତ୍ମକ ପରୀକ୍ଷା ଦେବାକୁ ପଡିବ।
Comments are closed.