ବରଗଡ : ଗତକାଲି ଅପରାହ୍ନରେ ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ଟାଙ୍ଗରପାଲି ପଞ୍ଚାୟତର ତଲାକଟା ଗ୍ରାମରେ ୩୫ ବର୍ଷୀୟ ଅଜୟ ଲାକ୍ରାଙ୍କୁ ତାଙ୍କ ବଡ଼ ଭାଇ ଫକୀର ଲାକ୍ରା ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା । ଫଳରେ ଅଜୟଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ହତ୍ୟାକାଣ୍ଡର କାରଣ ଏବେବି ଅସ୍ପଷ୍ଟ ଥିବାବେଳେ ଅତାବିରା ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।
ନେଇ ଅତାବିରା ଥାନାରେ ଏକ ହତ୍ୟା ମାମଲା ରୁଜୁ ହୋଇଛି । ଅଜୟ ଏବଂ ଫକୀର ସେହି ଗ୍ରାମରେ ପାଖାପାଖି ରହୁଥିବା ବେଳେ ଘର ସମ୍ମୁଖରେ ହିଁ ଆକ୍ରମଣ କରାଯାଇଥିବା କୁହାଯାଇଛି । ହତ୍ୟାପରେ ବଡଭାଇ ଫକୀର ଘଟଣାସ୍ଥଳରୁ ଫେରାର ହୋଇଯାଇଛି । ବରଗଡ଼ ମୁଖ୍ୟ ଡ଼ାକ୍ତରଖାନାରେ ମୃତଦେହ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯାଇଛି ।
Comments are closed.