ଜୟପୁର: ଜୟପୁର ସୁଙ୍କି-ସାଲୁର ଘାଟିରେ ମାଟି ଅତଡା ଖସି ଗମନାଗମନ ଠପ। ଏହି ରାସ୍ତା ଦେଇ ଆନ୍ଧ୍ରକୁ ଯାଉଥିବା ଶହ ଶହ ଗାଡି ଉଭୟ ପାର୍ଶ୍ୱରେ ଅଟକି ରହିଛି। କଟକ, ଭୁବନେଶ୍ୱର ଓ ବ୍ରହ୍ମପୁରକୁ ଯାଉଥିବା ଗାଡି ବି ଅଟକି ରହିଛି। ସୁଙ୍କି ଘାଟିର ସାଲୁର ନିକଟରେ ମାଟି ଅତଡା ଧସିବା ଫଳରେ ଏଭଳି ପରିସ୍ଥିତି ସୃଷ୍ଟି ହୋଇଛି। ସୁଙ୍କି ଘାଟି ଆନ୍ଧ୍ର-ଓଡିଶା ସୀମାରେ ରହିଛି।
ମିଳିଥିବା ସୂଚନା ଅନୁସାରେ ଗତକାଲି ସନ୍ଧ୍ୟା ପ୍ରାୟ ୬ଟା ବେଳେ ପାହାଡ଼ରୁ ମାଟି ଅଜାଡ଼ି ହୋଇ ପଡ଼ିବା ସମୟରେ ଘାଟି ଅତିକ୍ରମ କରୁଥିବା ଗୋଟାଏ ବସ୍ ଏବଂ ଅନ୍ୟ ଗୋଟାଏ ଟ୍ରକ୍ ମାଟିରେ ଦବି ରହିଯାଇଛନ୍ତି । ଗନ୍ତବ୍ୟସ୍ଥଳକୁ ଯାଇ ନ ପାରି ହନ୍ତସନ୍ତ ହେଉଥିବା ଯାତ୍ରୀମାନେ ନିଜ ମଧ୍ୟରେ ଚାନ୍ଦା ଆଦାୟ କରି ସ୍ଥାନୀୟ ଅଞ୍ଚଳରୁ ଶ୍ରମିକ ଆଣି ରାସ୍ତାରୁ ଅବରୋଧ ହଟାଇବା କାର୍ୟ୍ୟରେ ଲଗାଇଛନ୍ତି । ଘାଟି ସଫେଇ ପାଇଁ ସ୍ଥାନୀୟ ପ୍ରଶାସନ ତରଫରୁ ଏ ଯାଏଁ କୌଣସି ଉଦ୍ୟମ ଆରମ୍ଭ ହୋଇ ନ ଥିବା ଜଣାପଡ଼ିଛି।
Comments are closed.