ରାଜ୍ୟରେ ଦିନକରେ ୬୦,୯୦୯ କରୋନା ପରୀକ୍ଷା

ଭୁବନେଶ୍ୱର : ରାଜ୍ୟରେ ଦିନକରେ ରେକର୍ଡ ସଂଖ୍ୟକ କରୋନା ଟେଷ୍ଟ। ଗତ ୨୪ ଘଣ୍ଟାରେ ଆରଟିପିସିଆର୍, ଆଣ୍ଟିଜେନ୍ ଓ ଟ୍ରୁନଟ୍ ମାଧ୍ୟମରେ ୬୦ ହଜାର ୯୦୯ କରୋନା ଟେଷ୍ଟ ହୋଇଥିବା ନେଇ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି। ଆରଟିପିସିଆରରେ ୭ ହଜାର ୪୯୦, ଆଣ୍ଟିଜେନରେ ୫୩ ହଜାର ୨୯୫ ଓ ଟ୍ରୁନଟ୍ ମାଧ୍ୟମରେ ୧୨୪ଟି ଟେଷ୍ଟ କରାଯାଇଛି ।

ମୟୂରଭଞ୍ଜ ଜିଲ୍ଲାରେ ସର୍ବାଧିକ ୯, ୨୧୯ କରୋନା ଟେଷ୍ଟ ହୋଇଥିବାବେଳେ କେନ୍ଦ୍ରାପଡ଼ାରୁ ୮୮୬୪ ଓ ଗଞ୍ଜାମରୁ ୮୬୪୪ ଟେଷ୍ଟ ହୋଇଛି। ଗତ କିଛିଦିନ ଧରି ରାଜ୍ୟରେ ୬୦ ହଜାରରୁ ଅଧିକ କୋଭିଡ୍ ଟେଷ୍ଟ କରାଯାଉଛି। କରୋନା ନମୁନା ପରୀକ୍ଷାରେ ଓଡ଼ିଶା ସଫଳତା ହାସଲ କରିଛି। ଇତିମଧ୍ୟରେ ରାଜ୍ୟରେ କରୋନା ଟେଷ୍ଟ ସଂଖ୍ୟା ୧୩ ଲକ୍ଷ ଟପିଛି।