ମହାନଦୀରେ ପାଣି ଛାଡ଼ିଲା ଛତିଶଗଡ଼, ଖୋଲିଲା ସମସ୍ତ ୬୪ ଗେଟ୍‌

ଓଏଲ୍‌ ବ୍ୟୁରୋ: ଛତିଶଗଡ଼-ଓଡ଼ିଶା ମଧ୍ୟରେ ଲାଗିରହିଛି ମହାନଦୀ ଜଳବିବାଦ। ଏହାରି ମଧ୍ୟରେ ଚଳିତ ମୌସୁମୀରେ ଛତିଶଗଡ଼ ପ୍ରଥମ କରି ଗତ ସପ୍ତାହରେ ମହାନଦୀରେ ପାଣି ଛାଡ଼ିଥିଲା। କଲମା ବ୍ୟାରେଜର ୫ଟି ଗେଟ୍ ଦେଇ ଜଳ ନିଷ୍କାସନ ହେଉଥିଲା।

ବର୍ତମାନ କଲମା ବ୍ୟାରେଜରେ ଖୋଲିଲା ସମସ୍ତ ୬୪ ଗେଟ୍‌। ପ୍ରବଳ ବର୍ଷା ଯୋଗୁ କଲମାର ସବୁ ଗେଟ୍ ଖୋଲିଦେଲା ଛତିଶଗଡ଼। କଲମା ବ୍ୟତୀତ କଲୋ ନଦୀର ଲାଖା ଠାରେ ମଧ୍ୟ ପାଣି ଛାଡ଼ିଛି ଛତିଶଗଡ଼।

ଖବର ଅନୁସାରେ, ମହାନଦୀ ଜଳ ବିବାଦକୁ ନେଇ ଟ୍ରିବ୍ୟୁନାଲ ଟିମ୍ ଓଡ଼ିଶା-ଛତିଶଗଡ଼ ଗସ୍ତ କରିଥିଲେ। ମହାନଦୀ ଜଳ ସ୍ତର ସହ ସ୍ତିତି ନିରୀକ୍ଷଣ କରିବା ପାଇଁ ଟ୍ରିବ୍ୟୁନାଲ ଟିମ୍ ପ୍ରଥମେ ଛତିଶଗଡ଼ ପରେ ଓଡ଼ିଶା ଗସ୍ତ କରିଥିଲେ।