ଓଏଲ୍ ବ୍ୟୁରୋ: ପୁରୀ ସମୁଦ୍ରରେ ବୁଡ଼ି ଜଣେ ପର୍ଯ୍ୟଟକଙ୍କ ଜୀବନ ଚାଲିଯାଇଥିବା ଜଣା ପଡିଛି। ମୃତକ ହେଲେ ପଶ୍ଚିମବଙ୍ଗର ୨୧ ବର୍ଷୀୟ ଅର୍ଚ୍ଚିତ ବାନାର୍ଜୀ। ପରିବାର ସହ ପୂଜା ଛୁଟି କଟେଇବାକୁ ପୁରୀ ଆସିଥିବା ସୂଚନା ରହିଛି। ସମୁଦ୍ରରେ ଗାଧୋଇବା ବେଳେ ଜୁଆରରେ ପଶ୍ଚିମବଙ୍ଗର ଅର୍ଚ୍ଚିତ ବାନାର୍ଜୀ ଭାସି ଯାଇଥିଲେ। ଲାଇଟ ହାଉସ ବେଳାଭୂମିରେ ସ୍ନାନ କରୁଥିବା ବେଳେ ତାଙ୍କ ମୃତ୍ୟୁ ହୋଇଥିବା ଜଣା ପଡିଛି।
ଅନ୍ୟପଟେ, ରାଜ୍ୟରେ ନଦୀରେ ବୁଡ଼ି ମୃତ୍ୟୁ ହେଉଥିବା ଅନେକ ଖବର ସାମ୍ନାକୁ ଆସୁଛି। ଯାହାକୁ ନେଇ ରାଜ୍ୟସରକାର ପଦକ୍ଷେପ ନେଇଛନ୍ତି। ନଦୀବୁଡ଼ି ଜନିତ ମୃତ୍ୟୁ ରୋକିବାକୁ ରାଜ୍ୟ ସରକାରଙ୍କ ନିଷ୍ପତ୍ତି ନେଇଛନ୍ତି। ନଦୀରେ ବୁଡ଼ି ମୃତ୍ୟୁ ରୋକିବାକୁ ୧୦୦ ନଦୀଘାଟ ଫେନସିଂ କରିବାକୁ ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା କର୍ତୃପକ୍ଷ ନିଷ୍ପତ୍ତି ନେଇଛନ୍ତି। ଲୋକଙ୍କ ନଦୀବୁଡ଼ି ଜନିତ ମୃତ୍ୟୁ ରୋକିବାକୁ ଏଭଳି ପଦକ୍ଷେପ ନିଆଯାଇଛି।