ଓଏଲ୍ ବ୍ୟୁରୋ: ବଢୁଛି ତାତି। ଉପରମୁହାଁ ପାରଦ। ଆଗାମୀ ସପ୍ତାହକ ମଧ୍ୟରେ ରାଜ୍ୟର ଅଧିକାଂଶ ସ୍ଥାନରେ ଦିନ ତାପମାତ୍ରାରେ ୩ ରୁ ୫ଡିଗ୍ରୀ ଯାଏଁ ବୃଦ୍ଧି ସମ୍ଭାବନା ରହିଛି। ଆଭ୍ୟନ୍ତରୀଣ ଓ ପଶ୍ଚିମ ଓଡ଼ିଶାରେ ତାପମାତ୍ରା ୩୯ ରୁ ୪୦ ଡିଗ୍ରୀ ଯାଏଁ ଅନୁଭୂତ ହେବାର ସମ୍ଭାବନା ରହିଛି। ଆଗାମୀ ଦିନେ ଦୁଇ ଦିନ ଭିତରେ ତାପମାତ୍ରାରେ ଆହୁରି ୨ରୁ ୪ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ତାତି ବଢିବା ନେଇ ଆଶଙ୍କା ଥିବାବେଳେ ସତର୍କ ରହିବାକୁ ମୁଖ୍ୟ ଶାସନ ସଚିବ ପରାମର୍ଶ ଦେଇଛନ୍ତି।
ସାଢ଼େ ୮ ସୁଦ୍ଧା ତାପମାତ୍ରା ୩୨ ଡିଗ୍ରୀ ଛୁଇଁଲା। ସାଢ଼େ ୮ ସୁଦ୍ଧା ବାଲେଶ୍ବରରେ ସର୍ବାଧିକ ୩୨ ଡିଗ୍ରୀ ତାପମାତ୍ରା ରେକର୍ଡ ହୋଇଛି। ଭୁବନେଶ୍ବରରେ ୩୦.୮, ଚାନ୍ଦବାଲିରେ ୩୦.୪, ପୁରୀ ଓ ସମ୍ବଲପୁରରେ ୩୦ ଡିଗ୍ରୀ ରେକର୍ଡ କରାଯାଇଛି। ସେହିଭଳି ଆଜି ସକାଳ ୧୧ ଟା ୩୦ ସୁଦ୍ଧା କେନ୍ଦୁଝରରେ ୩୭ ଡିଗ୍ରୀ, ଭୁବନେଶ୍ୱରରେ ୩୬.୪ ଡିଗ୍ରୀ, ବାଲେଶ୍ୱରରେ ୩୬.୪ ଡିଗ୍ରୀ, ଝାରସୁଗୁଡାରେ ୩୬.୪ଡିଗ୍ରୀ, ଚାନ୍ଦବାଲିରେ ୩୬.୨ଡିଗ୍ରୀ, ସମ୍ବଲପୁରରେ ୩୬ ଡିଗ୍ରୀ , ହୀରାକୁଦରେ ୩୫.୪ ଡିଗ୍ରୀ, ରାଉରକେଲାରେ ୩୫.୨ ଡିଗ୍ରୀ, ପୁରୀରେ ୩୨.୮ ଡିଗ୍ରୀ, ପାରାଦୀପରେ ୩୧.୨ ଡିଗ୍ରୀ, ଗୋପାଳପୁରରେ ୩୦.୪ ଡିଗ୍ରୀ ତାପମାତ୍ରା ରେକର୍ଡ ହୋଇଥିବା ଆଞ୍ଚଳିକ ପାଣୀଗା କେନ୍ଦ୍ର ସୂଚନା ଦେଇଛି।
ଆଜି ସକାଳ ୧୧ ଟା ୩୦ ସୁଦ୍ଧା କେଉଁଟି କେତେ ତାପମାତ୍ରା
କେନ୍ଦୁଝର: ୩୭°C
ଭୁବନେଶ୍ୱର: ୩୬.୪°C
ବାଲେଶ୍ୱର: ୩୬.୪°C
ଝାରସୁଗୁଡା: ୩୬.୪°C
ଚାନ୍ଦବାଲି: ୩୬.୨°C
ସମ୍ବଲପୁର: ୩୬°C
ହୀରାକୁଦ: ୩୫.୪°C
ରାଉରକେଲା: ୩୫.୨°C
ପୁରୀ: ୩୨.୮°C
ପାରାଦୀପ:୩୧.୨°C
ଗୋପାଳପୁର: ୩୦.୪°C— Meteorological Centre, Bhubaneswar (@mcbbsr) April 2, 2024