ଓଏଲ୍ ବ୍ୟୁରୋ: ବର୍ତ୍ତମାନ ରାଜ୍ୟର ନେତୃତ୍ୱ ନେଇଥିବା ସରକାରଙ୍କ କାମରେ ରାଜ୍ୟର ୭୦ ପ୍ରତିଶତରୁ ଅଧିକ ଜନତା ସନ୍ତୁଷ୍ଟ ଅଛନ୍ତି । ଏହାସହ ୬୬ ପ୍ରତିଶତ ଜନତା ପୁଣି ଥରେ ନବୀନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ ରୂପେ ଦେଖିବାକୁ ଚାହୁଁଛନ୍ତି। ଶୁକ୍ରବାର ଜୁଏଲ୍ସ ଅଫ୍ ଓଡ଼ିଶାର ସିଟିଜେନ ସେଣ୍ଟିମେଣ୍ଟ ଅନୁଧ୍ୟାନରେ ଏହା କୁହାଯାଇଛି।
ଓଡ଼ିଶାର ପ୍ରତି ନାଗରିକ ସୂଚନାରେ ସମୃଦ୍ଧ ହେବା ପାଇଁ ଏକ ଅଗ୍ରଣୀ ମିଡ଼ିଆ ପ୍ଲାଟଫର୍ମ ଜୁଏଲସ ଅଫ ଓଡ଼ିଶା ନିକଟରେ ସମାପ୍ତ କରିଥିବା ନିଜର ରାଜ୍ୟସ୍ତରୀୟ ନାଗରିକ ଭାବନା ସର୍ବେକ୍ଷଣର ଚମତ୍କାର ଫଳାଫଳକୁ ଉନ୍ମୋଚନ କରିଛି। ୧୦,୪୦୦ ଉତ୍ତରଦାତାଙ୍କର ଏକ ଦୃଷ୍ଟି ଆକର୍ଷଣ କରୁଥିବା ନମୁନା ଆକାର ସହିତ ଏହି ସର୍ଭେ ଏହି ଶ୍ରେଣୀର ସର୍ବବୃହତ, ଯାହା ଓଡ଼ିଶାର ଜନସଂଖ୍ୟାର ମନୋଭାବ ଉପରେ ଅଦ୍ୱିତୀୟ ସୂଚନା ପ୍ରଦାନ କରୁଛି।
‘ଗଭର୍ଣ୍ଣାନ୍ସ ଡାଇନାମିକସ ଅଫ ଓଡ଼ିଶା’ ଶୀର୍ଷକ ନାଗରିକ ଭାବନା ସର୍ଭେର ଏକ ରିପୋର୍ଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱକୁ ଅତ୍ୟଧିକ ସମର୍ଥନ ଜଣାଇଛି ଏବଂ ବିଜେଡି ନେତୃତ୍ୱାଧୀନ ସରକାରୀ ସେବାରେ ନାଗରିକ ମାନେ ଅତ୍ୟନ୍ତ ସନ୍ତୋଷ ପ୍ରଦର୍ଶନ କରିଛନ୍ତି। ଅନେକ ଉତ୍ତରଦାତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପୁଣି ଥରେ ପରବର୍ତ୍ତୀ ସରକାର ନେତୃତ୍ୱ ନେବାକୁ ଇଚ୍ଛା ପ୍ରକାଶ କରିଛନ୍ତି। ଏହାସହ ବିଜେଡି ସରକାରର ସେବାରେ ଲୋକେ ଅଧିକ ସନ୍ତୁଷ୍ଟ ଥିବା ଏଥିରେ ଉଲ୍ଲେଖ କରାଯାଇଛି । ଏହା ଅନୁସାରେ ବର୍ତ୍ତମାନ ଥିବା ସରକାରଙ୍କ କାମରେ ୭୨.୭ ପ୍ରତିଶତରୁ ଅଧିକ ଲୋକ ସନ୍ତୁଷ୍ଟ ଅଛନ୍ତି। ସେହିପରି ୪୫.୫ ପ୍ରତିଶତ ଲୋକ ଅଧିକ ସନ୍ତୁଷ୍ଟ ଥିବା କୁହାଯାଇଛି। ଏବଂ ସର୍ଭେରେ ସାମିଲ ୬୬.୨ ପ୍ରତିଶତ ପୁଣି ଥରେ ନବୀନ ପଟ୍ଟନାୟକଙ୍କ ମୁଖ୍ୟମନ୍ତ୍ରୀ ହୁଅନ୍ତୁ ବୋଲି ଚାହୁଁଥିବା ରିପୋର୍ଟରେ ଉଲ୍ଲେଖ ହୋଇଛି।