ଓଏଲ୍ ବ୍ୟୁରୋ: ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ନେବାର ମାତ୍ର କିଛି ଦିନ ହୋଇଛି। ଏହା ପରେ ବିରାଟ କୋହଲି ଟେଷ୍ଟ ଫର୍ମାଟକୁ ଅଲବିଦା ନେଇଛନ୍ତି। ବିରାଟଙ୍କ ଟେଷ୍ଟ କ୍ୟାରିୟର ଉପରେ ନଜର ପକାଇବା, ତେବେ ସେ ଏପର୍ଯ୍ୟନ୍ତ ୧୨୩ଟି ମ୍ୟାଚ୍ ଖେଳି ୯,୨୩୦ ରନ୍ କରିଛନ୍ତି। ଏହି ସମୟ ମଧ୍ୟରେ ସେ ୩୦ଟି ଶତକ ଏବଂ ୩୧ ଟି ଅର୍ଦ୍ଧଶତକୀୟ ଇନିଂସ ଖେଳିଛନ୍ତି।
ନିଜର ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, “ଟେଷ୍ଟ କ୍ରିକେଟରେ ମୁଁ ପ୍ରଥମ ଥର ପାଇଁ ବ୍ୟାଗି ବ୍ଲୁ ପିନ୍ଧିବାର ୧୪ ବର୍ଷ ବିତିଗଲାଣି। ସତ କହିବାକୁ ଗଲେ, ମୁଁ କେବେ କଳ୍ପନା କରି ନଥିଲି ଯେ ଏହି ଫର୍ମାଟ୍ ମୋତେ ଏତେ ଲମ୍ବା ଯାତ୍ରାରେ ନେଇଯିବ। ଏହା ମୋତେ ଗଠନ କରିଛି ଏବଂ ମୋତେ ଜୀବନ ସାରା ବହନ କରିବାର ଶିକ୍ଷା ଦେଇଛି। ଟେଷ୍ଟ କ୍ରିକେଟ ଖେଳରେ ଖେଳିବା ବିଷୟରେ କିଛି ଗଭୀର ବ୍ୟକ୍ତିଗତ କଥା ଅଛି। ଲମ୍ବା ଦିନ, ଛୋଟ ମୁହୂର୍ତ୍ତ ଯାହାକୁ କେହି ଦେଖନ୍ତି ନାହିଁ କିନ୍ତୁ ତାହା ସବୁଦିନ ପାଇଁ ଆପଣଙ୍କ ସହିତ ରହିଥାଏ।”
ସୂଚନା ଅନୁଯାୟୀ, ବିରାଟ କୋହଲିଙ୍କୁ ଟେଷ୍ଟ କ୍ରିକେଟରୁ ଅବସର ନେବାର ନିଷ୍ପତ୍ତି ପରିବର୍ତ୍ତନ କରିବାକୁ ଅନୁରୋଧ କରାଯାଇଥିଲା। ଏହି ସମୟରେ ସୋସିଆଲ ମିଡିଆରେ ଏକ ବୟାନ ଭାଇରାଲ ହେଉଛି, ଯେଉଁଥିରେ ଲେଖାଯାଇଛି ଯେ ବିରାଟ କୋହଲି ବହୁତ ବିଚାର ବିମର୍ଶ ପରେ ଟେଷ୍ଟ କ୍ରିକେଟରୁ ଅବସର ନେଇଛନ୍ତି। ଭାଇରାଲ୍ ବିବୃତ୍ତି ଅନୁସାରେ, ସେ ବିସିସିଆଇ, ପ୍ରଶିକ୍ଷକ, ସାଥୀ ଖେଳାଳି ଏବଂ ସହାୟକ କର୍ମଚାରୀଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି। ସେ ପ୍ରଶଂସକମାନଙ୍କୁ ସମର୍ଥନ ପାଇଁ ଧନ୍ୟବାଦ ମଧ୍ୟ ଜଣାଇଥିଲେ, ଏହା ସ୍ପଷ୍ଟ କରୁଛି ଯେ, ବିରାଟ ବିସିସିଆଇର କଥା ଶୁଣି ନାହାଁନ୍ତି।