ସୁଷମାଙ୍କ ଶେଷ ଟ୍ବିଟ୍: ମୃତ୍ୟୁର ୩ ଘଣ୍ଟା ଆଗରୁ ଏମିତି ଲେଖିଥିଲେ

ନୂଆଦିଲ୍ଲୀ: “ପ୍ରଧାନମନ୍ତ୍ରୀ ମହାଶୟ ଆପଣଙ୍କୁ ହାର୍ଦ୍ଦିକ ଅଭିନନ୍ଦନ। ମୁଁ ମୋ ଜୀବନରେ ଏହି ଦିନଟିକୁ ଦେଖିବା ପାଇଁ ଅପେକ୍ଷା କରିଥିଲି।” ଧାରା ୩୭୦ ଉଚ୍ଛେଦ ବାବଦରେ ମୃତ୍ୟୁର ମାତ୍ର ତିନି ଘଣ୍ଟା ପୂର୍ବରୁ ଏହା ଥିଲା ଶଯ୍ୟାଶାୟୀ ସୁଷମା ସ୍ୱରାଜଙ୍କ ଶେଷ ଲେଖା। ନିଜ ଟ୍ୱିଟର ହାଣ୍ଡଲରେ ଏହା ଥିଲା ତାଙ୍କର ଶେଷ ମନ୍ତବ୍ୟ। ସତେ ଯେମିତି ମୃତ୍ୟୁ ସହ ସଂଘର୍ଷ କରୁଥିବା ସୁଷମା ଏଇ ସୁଖବରଟି ଶୁଣିବାକୁ ଅପେକ୍ଷା କରିଥିଲେ ଆଉ ତା’ ପରେ ଶାନ୍ତିରେ ଦେହତ୍ୟାଗ କଲେ।

प्रधान मंत्री जी – आपका हार्दिक अभिनन्दन. मैं अपने जीवन में इस दिन को देखने की प्रतीक्षा कर रही थी. @narendramodi ji – Thank you Prime Minister. Thank you very much. I was waiting to see this day in my lifetime.

— Sushma Swaraj (@SushmaSwaraj) August 6, 2019

ଆଜି ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ବରାଜଙ୍କ ଦେହାନ୍ତ ହୋଇଛି। ବରିଷ୍ଠ ବିଜେପି ନେତ୍ରୀ ସୁଷମା ସ୍ୱରାଜଙ୍କ ଦିଲ୍ଲୀ ଏମ୍ସରେ ବିୟୋଗ ହୋଇଛି। ମୃତ୍ୟୁ ବେଳକୁ ତାଙ୍କୁ ୬୭ ବର୍ଷ ହୋଇଥିଲା।ହାର୍ଟ ଆଟାକ୍‌ ପରେ ତାଙ୍କୁ ହସ୍ପିଟାଲ ନିଆଯାଇଥିଲା। ୫ ଜଣ ଡାକ୍ତର ତାଙ୍କ ଚିକିତ୍ସାରେ ନିୟୋଜିତ ହୋଇଥିଲେ। ଶେଷ ଖବର ସୁଦ୍ଧା କେନ୍ଦ୍ରମନ୍ତ୍ରୀ ନୀତିନ ଗଡକରୀ ଏବଂ ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ ଏମ୍ସରେ ପହଞ୍ଚିଥିଲେ। ସନ୍ଧ୍ୟା ୭.୩୦ରେ ଧାରା ୩୭୦ ଉଚ୍ଛେଦ ହୋଇଥିବାର ଖୁସି ପ୍ରକାଶ କରି ସରକାରଙ୍କୁ ଧନ୍ୟବାଦ ଦେଇଥିଲେ ସୁଷମା। ମୋଦି ସରକାରରେ ବୈଦେଶିକ ମନ୍ତ୍ରୀ ଭାବେ ଦାୟିତ୍ୱ ତୁଲାଇ ଥିବା ସୁଷମା ତାଙ୍କ କାର୍ଯ୍ୟ ପାଇଁ ଭାରତୀୟ ଏବଂ ପ୍ରବାସୀ ଭାରତୀୟଙ୍କ ମଧ୍ୟରେ ଖୁବ୍ ଲୋକପ୍ରିୟତା ହାସଲ କରିଥିଲେ।