ହଲିଉଡରେ ଷ୍ଟାର ବନିଲେ ବିରାଟ!
ନୂଆଦିଲ୍ଲୀ: ହଲିଉଡରେ ବିରାଟ କୋହଲି। ଏକଥା ଶୁଣି ଆପଣ ଆଶ୍ଚର୍ଯ୍ୟ ହେଉଛନ୍ତି କି। ଆଶ୍ଚର୍ଯ୍ୟ ହେବା ସ୍ବଭାବିକ କଥା। ହେଲେ ସତ କଥା ଆମେ ଆପଣଙ୍କୁ କହି ରଖୁଛୁ। ଆମେ ପିଲା ବେଳୁ ସର୍ବଦା ଶୁଣିଆସିଛେ ଯେ, ପ୍ରତ୍ୟେକ ବ୍ୟକ୍ତିଙ୍କ ୭ ଜଣ ଡୁପ୍ଲିକେଟ୍ ବିଶ୍ୱରେ କେଉଁଠି ନା କେଉଁଠି ରହିଥାନ୍ତି। ଆପଣମାନେ ଏଭଳି କଥା ମଧ୍ୟ ପିଲାବେଳୁ ନିଶ୍ଚୟ ଶୁଣି ଆସିଥିବେ। ସେହିଭଳି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କର ମଧ୍ୟ ଡୁପ୍ଲିକେଟ ରହିଛନ୍ତି। ଆପଣ ତ ପୂର୍ବରୁ ବିରାଟ କୋହଲିଙ୍କ ଡୁପ୍ଲିକେଟ ପିନ୍ସ୍ ବଦୋନିଆଙ୍କ କଥା ଶୁଣିଥିବେ ଏବଂ ଦେଖିଥିବେ ମଧ୍ୟ। କିନ୍ତୁ ଏଥର ଆପଣ ବିରାଟଙ୍କ ଡୁପ୍ଲିକେଟ୍ ଭାବରେ ହଲିଉଡର ଷ୍ଟାରଙ୍କୁ ଦେଖିବେ। ସେ ହେଉଛନ୍ତି ହଲିଉଡର ଲୋକପ୍ରିୟ ଅଭିନେତା ଡୋମିନିକ କୁପର। ‘କ୍ୟାପଟେନ ଆମେରିକା’ ଓ ‘ଆବ୍ରାହମ ଲିଙ୍କନ- ଦ ବାମ୍ପାୟର ହଣ୍ଟର’ଭଳି ସଫଳ ଫିଲ୍ମରେ ସେ ଅଭିନୟ କରିଛନ୍ତି।
ଦୁଇ ସେଲିବ୍ରେଟିଙ୍କ ଲୁକ୍ସରେ ଖୁବ୍ ସାମଞ୍ଜସ୍ୟ ରହିଛି। ସ୍ପାଇକ୍ ହେୟାର କଟ୍ ଓ ଦାଢ଼ି ଷ୍ଟାଇଲ ମଧ୍ୟ ଖୁବ ମେଳ ଖାଉଛି। ଉଚ୍ଚତାରେ କୋହଲିଙ୍କ ଠାରୁ କୁପର ମାତ୍ର ୦.୨ ମିଟର ଅଧିକ। ତେବେ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ ବିବେଚିତ ହେଉଥିବା କୋହଲିଙ୍କ ସହ ୪୧ ବର୍ଷୀୟ ଇଂଲିଶ ଅଭିନେତାଙ୍କ ଅନ୍ୟ କୌଣସି ସାମଞ୍ଜସ୍ୟ ନାହିଁ।
Comments are closed.