ମୁମ୍ବାଇ : ବଲିଉଡ ନାୟିକା କରିନା କପୁର କିଛିନା କିଛି କଥାକୁ ନେଇ ଚର୍ଚ୍ଚାରେ ଥାନ୍ତି । ତାଙ୍କ ପୁଅ ତୈମୁର ମଧ୍ୟ ଜନ୍ମ ହେବାଠାରୁ ଅନେକ ସମୟରେ ଚର୍ଚ୍ଚାରେ ରହିଛନ୍ତି । ତେବେ କରିନାଙ୍କୁ ଅନେକ ସମୟ ହେବ ଏକ ରେଡିଓ ଶୋ’ରେ ନଜର ଆସୁଛନ୍ତି, ଯେଉଁଥିରେ ସେ ସବୁବେଳେ କୌଣସି ନା କୌଣସି ଷ୍ଟାର୍ଙ୍କ ସହିତ ଗପସପ କରିଥାନ୍ତି ।
ଏଥର ତାଙ୍କ ସହିତ ବଲିଉଡ୍ ଅଭିନେତ୍ରୀ ତାପସୀ ପନ୍ନୁ ନଜର ଆସିଥିଲେ । ଶୋ’ ଚାଲୁଥିବା ବେଳେ କରିନା ତାପସୀଙ୍କୁ ଏକ ପ୍ରଶ୍ନ ପଚାରିଥିଲେ । ଯଦି ତାଙ୍କ ପୁଅ ନିଜ ଗାର୍ଲଫ୍ରେଣ୍ଡଙ୍କ ସହିତ ଘରେ ପହଞ୍ଚିବେ ସେ କ’ଣ କରିବେ? ଯଦିଓ ତାପସୀ ଏହି ପ୍ରଶ୍ନର ଠିକ୍ ଉତ୍ତର ଦେଇପାରି ନ ଥିଲେ, କିନ୍ତୁ ମା’ କରିନା ଜବରଦସ୍ତ ଉତ୍ତର ଦେଇଥିଲେ ।
କରିନା ପଚାରିଥିବା ପ୍ରଶ୍ନର ଉତ୍ତର ଦେବାକୁ ଯାଇ ତାପସୀ କହିଥିଲେ, ‘ଏବେ ତାଙ୍କୁ ବିବାହ କରିବାକୁ ଅଛି, ଏହାପରେ ପିଲା ହେବେ’। ତାପସୀ ଏଥିରେ ତାଙ୍କୁ ସାହାଯ୍ୟ କରିବା ପାଇଁ କରିନାଙ୍କୁ କହିଥିଲେ । ଏହା ଶୁଣି କରିନା କହିଥିଲେ, ମୁଁ ଜାଣିନାହିଁ, କିନ୍ତୁ ମୁଁ ପଞ୍ଜାବୀ ମା’ ।
ତାପସୀ ଯେତେବେଳେ କରିନାଙ୍କୁ ପଚାରିଥିଲେ, ସେ ପରଟା ସହିତ ତୈମୁରଙ୍କ ଗାର୍ଲଫ୍ରେଣ୍ଡଙ୍କୁ ସ୍ୱାଗତ କରିବେ କି? ସେହି ସମୟରେ କରିନା କହିଥିଲେ, ଏହା ଅନ୍ସେଫ୍। ମୁଁ ତାକୁ କେବେ ଘରକୁ ଆସିବା ପାଇଁ କହିବିନି’।
Comments are closed.