ଝାରସୁଗୁଡ଼ା: ନିଜ ସର୍ଭିସ ରିଭଲଭର୍ ରୁ ଗୁଳି ଫୁଟାଇ ଆତ୍ମହତ୍ୟା କରିଛନ୍ତି ସିଆର୍ପିଏଫ୍ ଯବାନ। ମୃତ ଯବାନଙ୍କ ନାମ କମଳା କାନ୍ତ ରୋହିଦାସ ବୋଲି ଜଣାପଡିଛି।
ମିଳିଥିବା ସୂଚନା ଅନୁସାରେ, ଝାରସୁଗୁଡା ଜିଲ୍ଲା ବ୍ରଜରାଜନଗର ଅଞ୍ଚଳର କମଳାକାନ୍ତ ୨୦୧୭ ମସିହାରେ ସିଆର୍ପିଏଫ୍ ରେ ଯୋଗଦେଇ ଝାଡଖଣ୍ଡରେ ନିଯୁକ୍ତି ପାଇଥିଲେ। ଏହାର କିଛିଦିନ ପରେ ଛତିଶଗଡ଼ର ସୁକମା ଜିଲ୍ଲାକୁ ତାଙ୍କର ବଦଳି ହୋଇଥିଲା। ତେବେ ଗତରାତିରେ ଡୋରାନ୍ ପାଲ୍ କ୍ୟାମ୍ପରେ ଥିବା ବେଳେ ନିଜ ସର୍ଭିସ ରିଭଲଭର୍ରୁ ଗୁଳି ଫୁଟାଇ ଆତ୍ମହତ୍ୟା କରିଥିଲେ।
ଆଜି ସକାଳୁ ସୁକମା ପୋଲିସ କମଳାକାନ୍ତଙ୍କ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି। ଘଟଣାର ତଦନ୍ତ ମଧ୍ୟ ଜାରି ରହିଛି। ତେବେ ବର୍ତ୍ତମାନ ପର୍ଯ୍ୟନ୍ତ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି। ଆଜି ସଂଧ୍ୟା ସୁଦ୍ଧା ବ୍ରଜରାଜନଗର ପହଞ୍ଚିବ କମଳାକାନ୍ତଙ୍କ ମୃତଦେହ।
Comments are closed.