ଭୁବନେଶ୍ବର: ଦୀର୍ଘ ନଅ ମାସ ପରେ ରାଜ୍ୟରେ ହ୍ରାସ ପାଉଛି କରୋନା ସଂଖ୍ୟା। ଆଜି ଭୁବନେଶ୍ବରରେ ୩୪ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ବାରେଣ୍ଟାଇନ୍ କେସ୍ ୬ ରହିଥିବାବେଳେ ଲୋକାଲ୍ କଣ୍ଟାକ୍ଟ କେସ୍ ୨୮ ରହିଛି। କ୍ବାରେଣ୍ଟାଇନ୍ କେସ୍ରୁ ଚନ୍ଦ୍ରଶେଖରପୁର ୨, ନୀଳାଦ୍ରିବିହାର ୨ ସହିତ ପଟିଆ ଓ ୟୁନିଟ୍-୩ ଅଞ୍ଚଳରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ସେହିପରି ଲୋକାଲ୍ କଣ୍ଟାକ୍ଟ କେସ୍ ମଧ୍ୟରୁ ଶୈଳଶ୍ରୀବିହାର ୩, ନୀଳାଦ୍ରିବିହାର ୩, ବମିଖାଲ ୨, ଆଇଆର୍ସି ଭିଲେଜ ୨, ଲକ୍ଷ୍ମୀସାଗର ୨ ସମେତ ଡମଣା, ଇନ୍ଫୋସିଟି, ଲକ୍ଷ୍ମୀସାଗର, ନୟାପଲ୍ଲୀ, ନୀଳାଦ୍ରିବିହାର, ପଟିଆ, ସହିଦନଗର, ଟଙ୍କପାଣି ରୋଡ୍, ୟୁନିଟ୍-୯ ଓ ବିବେକାନନ୍ଦ ମାର୍ଗରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜି ଭୁବନେଶ୍ବରରେ ୪୩ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି।
ଆଜି ସୁଦ୍ଧା ଭୁବନେଶ୍ବରରେ ୩୦୮୬୮ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିମଧ୍ୟରୁ ୩୦୨୪୧ଜଣ ସୁସ୍ଥ ହୋଇଛନ୍ତି ଏବଂ ୩୮୩ଜଣ ଚିକିତ୍ସିତ ହେଉଛନ୍ତି। ଆଜି ସୁଦ୍ଧା ଭୁବନେଶ୍ବରରେ ୨୨୩ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ବୋଲି ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ବିଟ୍ ଯୋଗେ ସୂଚନା ଦିଆଯାଇଛି।
Comments are closed.