ଓଏଲ୍ ବ୍ୟୁରୋ: ଏଣିକି ସହଜ ହେବ ରକ୍ତ ଯୋଗାଣ। ଭୁବନେଶ୍ୱର ଏମ୍ସରୁ ଆରମ୍ଭ ହେଲା ଡ୍ରୋନ ସେବା। ଗୁରୁତର ରୋଗୀଙ୍କ ପାଇଁ ରକ୍ତ ଯୋଗାଣ, ରକ୍ତ ସାମ୍ପଲ ସଂଗ୍ରହ, ଅତି ଜରୁରୀ ଇଞ୍ଜେକ୍ସନ ଔଷଧ ଯୋଗାଣ ନେଇ ଡ୍ରୋନ ସେବା ଆରମ୍ଭ କରାଯାଇଛି। ୭୦ କିଲୋମିଟର ପାଇଁ ଡ୍ରୋନ ସେବାକୁ ୩୫ ମିନଟ ସମୟ ଲାଗୁଛି।
ସୂଚନା ଅନୁସାରେ, ପୂର୍ବରୁ ଭୁବନେଶ୍ୱର ଏମ୍ସରୁ ପରୀକ୍ଷା ମୂଳକ ପ୍ରଥମ ଥର ଗୁରୁତର ରୋଗୀଙ୍କ ପାଇଁ ରକ୍ତ ଯୋଗାଣ, ରକ୍ତ ସାମ୍ପଲ ସଂଗ୍ରହ, ଅତି ଜରୁରୀ ଇଞ୍ଜେକ୍ସନ ଔଷଧ ଯୋଗାଣ ନେଇ ଡ୍ରୋନ ସେବା ଆରମ୍ଭ କରାଯାଇଥିଲା। ଏହି ଡ୍ରୋନ ଖୋର୍ଦ୍ଧା ଜିଲ୍ଲା ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଡ୍ରୋନ ପହଞ୍ଚିଥିଲା। ତେବେ ଡ୍ରୋନ ସେବା ଦ୍ୱାରା ସ୍ୱାସ୍ଥ୍ୟ ସେବାରେ ଉନ୍ନତି ଆସିପାରିବ ବୋଲି ଆଶା ପୋଷଣ କରାଯାଉଛି।