ଓଏଲ୍ ବ୍ୟୁରୋ: ମାର୍ଚ୍ଚ ମାସ ଅଧା ହୋଇଛି ହେଲେ ଅସହ୍ୟ ହେଲାଣି ତାତି। ରାଜ୍ୟରେ କିଛିଦିନ ହେବ ଗ୍ରୀଷ୍ମ ପ୍ରବାହ ବଢ଼ିବାରେ ଲାଗିଛି। ଗ୍ରୀଷ୍ମ ପ୍ରବାହ ପାଇଁ ଆଞ୍ଚଳିକ ପାଣିପାଗ କେନ୍ଦ୍ର ଭୁବନେଶ୍ବର ପକ୍ଷରୁ ଜାରି ହୋଇଛି ୟେଲୋ ଓ୍ବାର୍ଣ୍ଣିଂ।
ଆଜି ୭ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। ଅନଗୁଳ, ଝରସୁଗୁଡ଼ା, ସମ୍ବଲପୁର, ସୋନପୁର, ବୌଦ୍ଧ, ବଲାଙ୍ଗିର, ନୟାଗଡ଼ ଜିଲ୍ଲାକୁ ୟେଲୋ ୱାଣ୍ଣିଂ ଜାରି କରାଯାଇଛି। ସେହିପରି ଆସନ୍ତାକାଲି ୫ଟି ଜିଲ୍ଲା ପାଇଁ ୟେଲୋ ୱାଣ୍ଣିଂ ଜାରି କରାଯାଇଛି। ଅନଗୁଳ, ସୋନପୁର, ବୌଦ୍ଧ, ସମ୍ବଲପୁରରେ ଗ୍ରୀଷ୍ମପ୍ରବାହ ରହିବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି। ଏହିସବୁ ଜିଲ୍ଲାରେ ତାପମାତ୍ରା ୪୦ ଡିଗ୍ରୀ ଉପରେ ରହିପାରେ।
ଗତକାଲି ୩ଟି ସ୍ଥାନରେ ୪୦ ଡିଗ୍ରୀ ଉପରେ ତାପାମାତ୍ରା ରହିଥିଲା। ବଲାଙ୍ଗିରରେ ୪୦ ଦଶମିକ ୫, ଟିଟଲାଗଡରେ ୪୦ ଦଶମିକ ୨, ଅନୁଗୁଳରେ ୪୦ ଡିଗ୍ରୀ ତାପମାତ୍ରା ଥିଲା। ବଲାଙ୍ଗିରରେ ସ୍ୱାଭାବିକ ତାପମାତ୍ରା ଠାରୁ ୫ ଦଶମିକ ୧ ଅଧିକ ତାପମାତ୍ରା ଥିଲା।