ଭୁବନେଶ୍ବର: ସରିଲା ବିଶ୍ୱ ପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନରେ ଚଳିତ ବର୍ଷ କୁମ୍ଭୀର ଗଣନା। ମିଳିଥିବା ତଥ୍ୟ ଅନୁସାରେ ଗତବର୍ଷ ଅପେକ୍ଷା ଚଳିତ ବର୍ଷ ୧୫ଟି କୁମ୍ଭୀର ବଢ଼ିଛନ୍ତି। ଗତବର୍ଷ ଭିତର କନିକାରେ ୧୭୪୨ କୁମ୍ଭୀର ଥିବାବେଳେ ଚଳିତ ବର୍ଷ ଏହା ବୃଦ୍ଧି ପାଇ ୧୭୫୭ରେ ପହଞ୍ଚିଛି।
କୁମ୍ଭୀର ବିଶାରଦ ଡା ସୁଧାକର କରଙ୍କ ନେତୃତ୍ୱରେ ଏହି ଗଣନା କରାଯାଇଥିଲା। ମୋଟ୍ ୪ଟି ରେଞ୍ଜରେ ୨୩ଟି ଟିମ୍ ସାହାଯ୍ୟରେ ୫୪ଟି ପର୍ଯ୍ୟାୟରେ କୁମ୍ଭୀର ଗଣନା କରାଯାଇଥିଲା। କନିକା ରେଞ୍ଜରେ ସର୍ବାଧିକ ୧୩୮୫ଟି କୁମ୍ଭୀର ଥିବା ବେଳେ ରାଜନଗରରେ ୨୬୦ଟି, ମହାକାଳପଡ଼ାରେ ୭୫ଟି ଓ ଗହିରମଥାରେ ୩୭ଟି କୁମ୍ଭୀର ଥିବା ନେଇ ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି।
Comments are closed.