‘ଥ୍ରୀଲର’ ଫିଲ୍ମ ବିରୋଧରେ ଏତଲା
ନବରଙ୍ଗପୁର: ବଲିଉଡ୍ର ପ୍ରସିଦ୍ଧ ନିର୍ଦ୍ଦେଶକ ରାମ ଗୋପାଳ ବର୍ମାଙ୍କ ନିର୍ଦ୍ଦେଶୀତ ଫିଲ୍ମ ‘ଥ୍ରୀଲର’ ଫିଲ୍ମ ବିରୋଧରେ ଏତଲା। ଏହି ଫିଲ୍ମ ବିରୋଧରେ ଏତଲା ଦେଇଛନ୍ତି ହିନ୍ଦୁ ଏକତା ବାହିନୀ। ଫିଲ୍ମର ଟ୍ରେଲରେ ପ୍ରଦର୍ଶିତ ଅଶ୍ଳୀଳତାକୁ ଦୃଷ୍ଟରେ ରଖି ହିନ୍ଦୁ ଏକତା ବାହିନୀ ଫିଲ୍ମ ବିରୋଧରେ ଏତଲା ଦେଇଛନ୍ତି। ଟ୍ରେଲରରେ ଅଶ୍ଳୀଳ ଅଙ୍ଗ ପ୍ରଦର୍ଶନ ସମୟରେ ହିନ୍ଦୁ ସମାଜର ବହୁ ଦେବାଦେବୀଙ୍କ ନାଁକୁ ବ୍ୟବହାର କରାଯାଇଛି। ଯାହା କି ଓଡିଆ ସଂସ୍କୃତି ଓ ପରମ୍ପରାକୁ କୁଠାରଘାତ ବୋଲି କୁହାଯାଇଛି।
ହିନ୍ଦୁ ଏକତା ବାହିନୀର ଅଭିଯୋଗ ମୁତାବକ, ‘ଥ୍ରୀଲର’ର ଟ୍ରେଲରେ ହିନ୍ଦୁ ଭଗବାନ ଶିବ, ରାମଚନ୍ଦ୍ର ଓ କୃଷ୍ଣଙ୍କ ନାମକୁ ଅଶ୍ଳୀଳ ଅଙ୍ଗ ପ୍ରଦର୍ଶନ ସମୟରେ ଉଚ୍ଚାରଣ କରାଯାଇଛି। ଯାହାକି ହିନ୍ଦୁ ଧର୍ମାବଲମ୍ବୀଙ୍କୁ ଆଘାତ ପହଞ୍ଚାଇଛି। ଏହି ଫିଲ୍ମଟିକୁ ୟୁଟ୍ୟୁବରୁ ଡିଲିଟ୍ କରାଯିବା ସହ ଅନଲାଇନ୍ରେ ରିଲିଜ ନ କରିବାକୁ ସେମାନେ ଦାବି କରିଛନ୍ତି। ପୂର୍ବରୁ ଏହି ଫିଲ୍ମରେ ନାୟିକାଙ୍କ ଅଙ୍ଗପ୍ରଦର୍ଶନକୁ ସୋସିଆଲ ମିଡିଆରେ କିଛିଦିନ ହେବ ନିନ୍ଦା କରାଯାଉଥିଲା। ଏହି ଫିଲ୍ମ ଜରିଆରେ ଓଡ଼ିଆ ଯୁବତୀ ଏବଂ ଓଡ଼ିଆ ପୁଅ ବଲିଉଡ୍ରେ ନୂଆ କରି ଏଣ୍ଟ୍ରି କରିଛନ୍ତି।