ନବ ଦାସ ହତ୍ୟା ମାମାଲା : ସରିଲା ଗୋପାଳର ନାର୍କୋ ଟେଷ୍ଟ

ଓଏଲ୍‌ ବ୍ୟୁରୋ : ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ହତ୍ୟା ମାମଲାର ଆଜିକୁ ହେଲାଣି ୧୪ ଦିନ, ହେଲେ ବର୍ତ୍ତମାନ ସୁଦ୍ଧା ହତ୍ୟାକାଣ୍ଡର କାରଣ ସ୍ପଷ୍ଟ ହୋଇପାରି ନାହିଁ। ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋପାଳ ଦାସକୁ କ୍ରାଇମବ୍ରାଞ୍ଚ ଗିରଫ କରିବା ସହ ରିମାଣ୍ଡରେ ନେଇ ଜେରା କରୁଛି। ଅଭିଯୁକ୍ତ ଗୋପାଳର ପଲିଗ୍ରାଫ୍ ଏବଂ ନାର୍କୋ ଟେଷ୍ଟ ହେବାକୁ ଥିବାବେଳେ ଗତକାଲି ଗୁଜୁରାଟ ଗାନ୍ଧୀନଗରରେ ପଲିଗ୍ରାଫ୍ ଟେଷ୍ଟ କରାଯାଇଥିଲା। ଆଜି ଗୋପାଳର ନାର୍କୋ ଟେଷ୍ଟ ଶେଷ ହୋଇଥିବା ସୂଚନା ମିଳିଛି। ଅଭିଯୁକ୍ତ ଗୋପାଳର ଗାନ୍ଧି ନଗର ଲ୍ୟାବରେ ନାର୍କୋ ଟେଷ୍ଟ ଶେଷ ହେବା ନେଇ କ୍ରାଇମବ୍ରାଞ୍ଚର ସୂଚନା। ଏହି ଟେଷ୍ଟର ରିପୋର୍ଟ ଆସିବା ପରେ ହତ୍ୟା ପଛର ପ୍ରକୃତ କାରଣ ସ୍ପଷ୍ଟ ହେବ ବୋଲି କୁହାଯାଉଛି। ନାର୍କୋ ଟେଷ୍ଟ ପରେ ଚେତାଶୂନ୍ୟ ଗୋପାଳ ଚେତାଶୂନ୍ୟ ରହିଥିବା କ୍ରାଇମବ୍ରାଞ୍ଚର ସୂଚନା। ସଂପୂର୍ଣ୍ଣ ଚେତା ଫେରିବାକୁ କିଛି ସମୟ ଲାଗିପାରେ। ଅଚେତ ଗୋପାଳକୁ ଏବେ ନିରୀକ୍ଷଣରେ ରଖାଯାଇଛି।

ସୂଚନା ଅନୁସାରେ, ଗୋପାଳର ୫ଦିନ ପାଇଁ ରିମାଣ୍ଡ ଅବଧି ବୃଦ୍ଧି ହୋଇଥିବାବେଳେ ତାଙ୍କର ନାର୍କୋ ଟେଷ୍ଟ ଏବଂ ପଲିଗ୍ରାଫ ଟେଷ୍ଟ କରାଯିବାକୁ ଅନୁମତି ପ୍ରଦାନ କରିଥିଲେ କୋର୍ଟ। ନାର୍କୋ ଟେଷ୍ଟ ଏବଂ ପଲିଗ୍ରାଫ ଟେଷ୍ଟ ପାଇଁ ଗୋପାଳ ନିଜେ ସହମତି ଦେବା ପରେ ଆଜି ଟେଷ୍ଟ କରଯାଇଛି। ତେବେ ଏହି ଟେଷ୍ଟରୁ କଣ ତଥ୍ୟ ସାମ୍ନାକୁ ଆସିବ ସେ ନେଇ ସମସ୍ତଙ୍କ ନଜର ରହିଛି। ଗତ ୨୯ରେ ବ୍ରଜରାଜନଗର ଗାନ୍ଧି ଛକରେ ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କୁ ଦିନ ଦିବାଲୋକରେ ଏବଂ ଲୋକଲୋଚନାରେ ଗୁଳି କରିଥିଲେ ପୁଲିସ କର୍ମଚାରୀ ଗୋପାଳ। ସ୍ୱାସ୍ଥ୍ୟ ମନ୍ତ୍ରୀଙ୍କୁ ଜଣେ ପୁଲିସ ଅଧିକାରୀ ମାରିବା ପରେ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି। ଅଭିଯୁକ୍ତ ଗୋପାଳଙ୍କୁ ପୁଲିସ ଗିରଫ କରିଥିବାବେଳେ ରିମାଣ୍ଡରେ ନେଇ ତଦନ୍ତ କରୁଛି କ୍ରାଇମବ୍ରାଞ୍ଚ।