ନୂଆଦିଲ୍ଲୀ: ଗତକାଲି କମାଣ୍ଡର ସ୍ତରୀୟ ବୈଠକ ଦୁଇ ଦେଶର ସେନା ଅଧିକାରୀଙ୍କ ଉପସ୍ଥିତିରେ ବସିଥିଲା। ଏହି ବୈଠକ ପ୍ରାୟ ୧୨ଘଣ୍ଟାରୁ ଅଧିକ ସମୟ ଧରି ଚାଲିଥିଲା। ଏହି ବୈଠକଠି ଲଦାଖରେ ଭାରତ-ଚୀନ୍ ମଧ୍ୟରେ ତିକ୍ତତା ଉପରେ ଚାଲିଥିଲା ।
ଭାରତ ପକ୍ଷରୁ ଏକ କଠୋର ଆଭିମୁଖ୍ୟ ଗ୍ରହଣ କରାଯାଇଥିଲା। ଭାରତ ପକ୍ଷରୁ ଏହି ବୈଠକରେ ଚୀନ୍ ତୁରନ୍ତ ସମସ୍ତ ବିବାଦୀୟ ସ୍ଥାନରୁ ସୈନ୍ୟ ପ୍ରତ୍ୟାହର କରୁ ବୋଲି ଦାବି କରାଯାଇଥିଲା। ତାହାସହ ଚୀନ୍ ସେନା ପ୍ରତ୍ୟାହାର କରିବା ଆଗ ଆରମ୍ଭ କରିବା ଉଚିତ, କାରଣ ଏହି ବିବାଦକୁ ଚୀନ ହିଁ ବଢ଼ାଇଛି। ବୈଠକରେ ଭାରତ ପପକ୍ଷରୁ କରାଯାଇଥିବା ଦାବି ଗୁଡ଼ିକ ହେଲା ….
• ଚୀନ୍ ର ସୈନ୍ୟବାହିନୀ ତୁରନ୍ତ ପାଙ୍ଗୋଙ୍ଗ ସୋ ଫିଙ୍ଗର ଅଞ୍ଚଳରୁ ପଛକୁ ହଟିବା ଉଚିତ। ଭାରତ ହଟସ୍ପ୍ରିଙ୍ଗ, ଡେପସଙ୍ଗ ପ୍ରସଙ୍ଗ ମଧ୍ୟ ଉଠାଇଥିବା ଜଣା ପଡ଼ିଛି।
• ଚୀନ୍ ପ୍ରଥମେ ନିୟମ ଭାଙ୍ଗିଥିଲା, ଏପରି ପରିସ୍ଥିତିରେ ଚୀନ୍ ଆଗ ସୈନ୍ୟ ପ୍ରତ୍ୟାହାର କରିବା ଉଚିତ୍ ଏବଂ ତା’ପରେ ଭାରତ ଏହାକୁ ଅନୁସରଣ କରିବ।
• ଲଦାଖ ସୀମାରେ ଥିବା ସମସ୍ତ ବିବାଦୀୟ ସ୍ଥାନରୁ ଚୀନ୍ ସେନା ପଛକୁ ହଟୁ ।
• ବାସ୍ତବ ନିୟନ୍ତ୍ରଣ ଲାଇନ୍ ରୁ ଉଭୟ ପାର୍ଶ୍ୱରୁ ସେନାକୁ ପ୍ରତ୍ୟାହାର କରିବା ପାଇଁ ଏକ ରୋଡ୍ ମ୍ୟାପ୍ ପ୍ରସ୍ତୁତ କରାଯିବା ଉଚିତ୍, ଯାହା ଉପରେ ଆଗକୁ ବଢ଼ିବା ।
ବୈଠକ ଟି ସୋମବାର ସକାଳ ପ୍ରାୟ ୯ଟାରୁ ଆରମ୍ଭ ହୋଇଥିଲା, ଯାହାକି ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିଲା | ବର୍ତ୍ତମାନ ମଙ୍ଗଳବାର ଦିନ ପୁଣି ଥରେ ଉଭୟ ଦେଶର ସେନାର କର୍ପସ କମାଣ୍ଡରମାନେ ମୁହାଁମୁହିଁ ହୋଇପାରନ୍ତି। ଭାରତ ପକ୍ଷରୁ କୁହାଯାଇଛି ଯେ ଯଦି ଚୀନ୍ ସମ୍ପୂର୍ଣ୍ଣ ପଛକୁ ଫେରି ସ୍ଥିତିକୁ ସାଧାରଣ ନ କରେ, ତେବେ ଭାରତୀୟ ସେନା ଶୀତ ଦିନରେ ମଧ୍ୟ ସୀମାରେ ରହିବେ।
Comments are closed.