ତାତିରୁ ସାମାନ୍ୟ ଆଶ୍ବସ୍ତି, ରାଜଧାନୀ ଭୁବନେଶ୍ୱରର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା

ଓଏଲ୍‌ ବ୍ୟୁରୋ: ତାତିରୁ ମିଳିବ ତ୍ରାହି। ରାଜଧାନୀର ଭୁବନେଶ୍ୱରର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ଘୁର୍ଣ୍ଣିଝଡ଼। ଅଚାନକ ବର୍ଷାରେ ପଥିକ ଅସ୍ତବ୍ୟସ୍ତ। ମୌସୁମୀ ଡେରିରେ ଆସିବା କୁହାଯାଉଥିବାବେଳେ ରାଜଧାନୀର ଏହି ବର୍ଷା ଅସହ୍ୟ ତାତିରୁ ଆଶ୍ବସ୍ତି ଦେଇଛି। ତେବେ ମୌସୁମୀ ବାୟୁ ଓଡ଼ିଶା କେବେ ଛୁଇଁବ, ଏନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ।

ଅନ୍ୟପଟେ, କେରଳ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ। ସପ୍ତାହେ ବିଳମ୍ବରେ ମୌସୁମୀ ସ୍ଥଳଭାଗ ଛୁଇଁଲା। ଦକ୍ଷିଣ-ପଶ୍ଚିମକୁ ଗତି କରିବା ପାଇଁ ପାଗ ଅନୁକୂଳ ଥିବାବେଳେ ମୌସୁମୀ କେରଳ ଛୁଇଁବା ନେଇ ଆଇଏମ୍‌ଡି ପକ୍ଷରୁ ସୂଚନା ଜାରି ହୋଇଛି। ତେବେ ମୌସୁମୀ ବାୟୁ କେରଳର ବିଭିନ୍ନ ସ୍ଥାନରେ ପ୍ରଭାବ ପକାଇଥିବାରୁ ଚାଷ ଅନୁକୂଳ ହେବ ବୋଲି କୁହାଯାଉଛି।

ପୂର୍ବରୁ ଆଗାମୀ ୪୮ ଘଣ୍ଟା ମଧ୍ୟରେ କେରଳ ଛୁଇଁପାରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ବୋଲି ଅନୁମାନ କରାଯାଉଥିଲା। ପାଗ ସମ୍ପୂର୍ଣ୍ଣ ଅନୁକୂଳ ଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ଜାରି ହୋଇଥିଲା। ଦେଶରେ ଚାଷୀ ଭାଇମାନେ ବିଶେଷ ଭାବେ ମୌସୁମୀ ଉପରେ ନିର୍ଭର କରି ଚାଷକାର୍ଯ୍ୟ ଆରମ୍ଭ କରିଥାନ୍ତି। ତେଣୁ ମୌସୁମୀ ପହଂଚିବା ପରେ ଚାଷୀ ଭାଇମାନେ ସେମାନଙ୍କ କାର୍ଯ୍ୟ ଆରମ୍ଭ କରିବାକୁ ପ୍ରସ୍ତୁତ କରିପାରିବେ।