ଏଣିକି ‘୧୩୯’ ନମ୍ବରରୁ ମିଳିବ ରେଳ ସଂପର୍କିତ ସବୁ ସୂଚନା

ଭୁବନେଶ୍ବର: ଭାରତୀୟ ରେଳବାଇର ସମସ୍ତ ହେଲ୍ପଲାଇନ ନମ୍ବରକୁ ମିଶ୍ରଣ କରାଯାଇ ଗୋଟିଏ ହେଲ୍ପଲାଇନ୍ ନମ୍ବର କରାଯାଇଛି। ଏଣିକି ଯାତ୍ରୀମାନେ ୧୩୯ ନମ୍ବର ଡାଏଲ୍ କରି ରେଳ ସଂପର୍କିତ ସବୁ ସୂଚନା ପାଇ ପାରିବେ। ଯାତ୍ରୀଙ୍କ ସୁବିଧା ଲାଗି ଭିନ୍ନ ଭିନ୍ନ ନମ୍ବରକୁ ଏକୀକୃତ କରାଯାଇ ଗୋଟିଏ ହେଲ୍ପଲାଇନ୍ ନମ୍ବର ୧୩୯ କରାଯାଇଛି।

ସୁରକ୍ଷା, ସାଧାରଣ ଅଭିଯୋଗ, କ୍ୟାଟରିଂ, ଭିଜିଲାନ୍ସ ଇତ୍ୟାଦି ସମସ୍ତ ହେଲ୍ପଲାଇନ ନମ୍ବରକୁ ଏଥିରେ ମିଶ୍ରଣ କରାଯାଇଛି। ଏହି ଐକିକ ହେଲ୍ପଲାଇନ ନମ୍ବର ୧୩୯ ଏଣିକି ଯାତ୍ରା ସମୟରେ ସମସ୍ତ ଅନୁସନ୍ଧାନ ଏବଂ ଅଭିଯୋଗ ପାଇଁ ବ୍ୟବହୃତ ହେବ। ହେଲ୍ପଲାଇନ ନମ୍ବର – ୧୩୯ ବିଭିନ୍ନ ଭାଷାରେ ଉପଲବ୍ଧ ହେବ ଏବଂ ଇଣ୍ଟରାକ୍ଟିଭ୍ ଭଏସ୍ ରେସପନ୍ସ ସିଷ୍ଟମ୍ ଆଧାରିତ ହେବ। ସମସ୍ତ ପ୍ରକାର ମୋବାଇଲ୍ ବ୍ୟବହାରକାରୀ ୧୩୯ରେ ଯେପରି କଲ୍ କରିପାରିବେ ସେଥିପାଇଁ ଐକିକ ପ୍ରଣାଳୀକୁ କାର୍ଯ୍ୟକାରୀ କରାଯାଇଛି। ୧୩୯ ଡାଏଲ୍ କରିବା ଦ୍ୱାରା ଆଇଭିଆରଏସ୍ ବାଛିବା ପାଇଁ ମେନୁ ବିକଳ୍ପଗୁଡ଼ିକ ସହିତ ଉପସ୍ଥାପିତ ହେବ ଏବଂ ତାହା ତୁରନ୍ତ କେନ୍ଦ୍ରୀୟ କାର୍ଯ୍ୟନିର୍ବାହୀମାନଙ୍କୁ କଲ୍ କରିବାକୁ ସଂଯୋଗ ହେବ।

ପୂର୍ବରୁ ହେଲ୍ପଲାଇନ ନମ୍ବରଗୁଡିକ ନିର୍ଦ୍ଦିଷ୍ଟ ସମସ୍ୟା ଓ ବିଷୟ ପାଇଁ ଉତ୍ସର୍ଗୀକୃତ ହେଉଥିଲା ସାଧାରଣ ଅଭିଯୋଗ ଏବଂ କ୍ଲିନ ମାଇଁ କୋଚ୍ – ୧୩୮, ଦୁର୍ଘଟଣା ଏବଂ ନିରାପତ୍ତା – ୧୦୭୨, ସୁରକ୍ଷା/ନିରାପତ୍ତା ସମସ୍ୟା – ୧୮୨ ବର୍ତ୍ତମାନ ଏକୀକୃତ ହୋଇଛି ଏବଂ ରେଳ ବ୍ୟବହାରକାରୀମାନେ ବର୍ତ୍ତମାନ ଐକିକ ହେଲ୍ପଲାଇନ ନମ୍ବର ବ୍ୟବହାର କରୁଛନ୍ତି।

ଟ୍ରେନ ଚଳାଚଳର ମୁଖ୍ୟ ଦରକାରୀ ଅନୁସନ୍ଧାନ ଯଥା ସଂରକ୍ଷଣ ସମ୍ବନ୍ଧୀୟ ଅନୁସନ୍ଧାନଗୁଡିକର ପିଏନଆର ସ୍ଥିତି, ଟିକେଟ୍ (ଜେନେରାଲ୍ ଏବଂ ତତ୍କାଳ) ଉପଲବ୍ଧତା, ଟ୍ରେନ୍ ଆଗମନ, ପ୍ରସ୍ଥାନ, ମାର୍ଗ ପରିବର୍ତ୍ତନ ଏବଂ ବାତିଲ କାର୍ଯ୍ୟସୂଚୀ, ବର୍ଥ ଉପଲବ୍ଧତା, ଟିକେଟ୍ ବାତିଲ୍, ଭଡା, ଗନ୍ତବ୍ୟ ସ୍ଥଳ ଇତ୍ୟାଦି ଜାଣିବା ପାଇଁ ଉପଭୋକ୍ତା ମାନେ ଏଥିରେ କଲ୍ କରିବା ସହିତ ଏସଏମଏସ ମଧ୍ୟ କରିପାରିବେ। ଏହା ବ୍ୟତୀତ ଯାତ୍ରା ସମୟ ଆଲର୍ଟ, ୱେକଅପ୍ କଲ୍; ଅନ୍-ବୋର୍ଡ ସେବା ଏବଂ ସୁରକ୍ଷା ସମ୍ବନ୍ଧୀୟ ଘଟଣା ଇତ୍ୟାଦି ସମ୍ବନ୍ଧରେ ଅଭିଯୋଗ ଓ ସୂଚନା ଆଦାନପ୍ରଦାନ କରାଯାଇ ପାରିବ।