ଓଏଲ୍ ବ୍ୟୁରୋ : ବିଗତ ୧୦ ବର୍ଷ ମଧ୍ୟରେ ଭିଜିଲାନ୍ସ ଜାଲରେ ପଡ଼ିଛନ୍ତି ଜଳସମ୍ପଦ ବିଭାଗର ୧୩୦ ଜଣ ଯନ୍ତ୍ରୀ। ହାରାହାରି ବର୍ଷକୁ ପ୍ରାୟ ୧୩ ଜଣ ଯନ୍ତ୍ରୀ ଭିଜିଲାନ୍ସ ଜାଲରେ ପଡ଼ୁଛନ୍ତି। ଏଥିରେ ଅଧିକାଂଶ ହେଉଛନ୍ତି ସହକାରୀ ଯନ୍ତ୍ରୀ ଓ କିଛି କନିଷ୍ଠ ଯନ୍ତ୍ରୀ ।
ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କ ଏକ ପ୍ରଶ୍ନର ଉତ୍ତରରେ ଜଳସଂପଦ ମନ୍ତ୍ରୀ ଟୁକୁନି ସାହୁ କହିଛନ୍ତି, ୨୦୧୨-୨୦୧୬ ପର୍ଯ୍ୟନ୍ତ ୭୦ ଜଣ ଯନ୍ତ୍ରୀଙ୍କ ନାଁରେ ଭିଜିଲାନ୍ସ ମାମଲା ରୁଜୁ ହୋଇଥିଲା। ସେହିପରି ୨୦୧୭-୨୦୨୨ ମଧ୍ୟରେ ଭିଜିଲାନ୍ସ ଜାଲରେ ପଡ଼ିଛନ୍ତି ୬୦ ଯନ୍ତ୍ରୀ । ତଥାପି ଦୁର୍ନୀତିରେ ଲଗାମ ଲାଗିନାହିଁ ବୋଲି କହିଥିଲେ ।
ସେ ଆହୁରି କହିଛନ୍ତି, ଚଢ଼ାଉ ସମୟରେ ଏହି ଯନ୍ତ୍ରୀମାନଙ୍କଠାରୁ ଠାବ କରାଯାଇଥିବା ସଂପତ୍ତି ସଂପର୍କରେ ଦୁର୍ନୀତି ନିବାରଣ ବିଭାଗଠାରୁ ସୂଚନା ମିଳିବା ପରେ ପ୍ରଦାନ କରାଯିବ ବୋଲି ଶ୍ରୀମତୀ ସାହୁ କହିଛନ୍ତି।