ଯାଜପୁର: ଭୋରୁ ଭୟଙ୍କର ଦୁର୍ଘଟଣା, ଚାଲିଗଲା ୭ ଜୀବନ
ଓଏଲ୍ ବ୍ୟୁରୋ: ଭୋରୁ ଆସିଛି ଭୟଙ୍କର ଦୁର୍ଘଟଣାର ଲୋମା ଟାଙ୍କୁରା ଖବର। ଭୋର ସମୟରେ ଯାଜପୁର ଚଣ୍ଡିଖୋଲ ନେଉଳପୁରରେ ଘଟିଛି ଭୟଙ୍କର ସଡ଼କ ଦୁର୍ଘଟଣା। ଯାହାଫଳରେ ଘଟଣାସ୍ଥଳରେ ହିଁ ୭ ଜଣଙ୍କର ମୃତ୍ୟୁ ହୋଇଛି।
ସୂଚନା ମୁତାବକ, ଭୋର ସମୟରେ ନେଉଳପୁରସ୍ଥିତ ସେଣ୍ଟ୍ରାଲ ବ୍ୟାଙ୍କ ନିକଟ ଏନ୍ଏଚ୍-୧୬ରେ ଦୁର୍ଘଟଣା ଘଟିଛି। ଏକ ଆଇଚର କଲିକତା ପଟୁ ଆସୁଥିବା ବେଳେ ଟ୍ରକର ଉପରେ ଚଢ଼ି ଯାଇଥିଲା । ଯାହାଫଳରେ ଆଇଚର ମଧ୍ୟରେ ଥିବା ୭ ଜଣଙ୍କ ଘଟଣା ସ୍ଥଳରେ ମୃତ୍ୟୁ ହୋଇଯାଇଥିବା ବେଳେ ଜଣେ ଗୁରୁତର ଭାବରେ ଆହତ ହୋଇଛନ୍ତି । ତେବେ ଟ୍ରକଟି ପୁରା ଖାଲି ଥିବାରୁ ଟ୍ରକ ଡ୍ରାଇଭରଙ୍କର କିଛି ହୋଇନଥିବା ସୂଚନା ରହିଛି।
ଚଣ୍ଡିଖୋଲ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଆଉ ଗୁରୁତର ବ୍ୟକ୍ତିଙ୍କୁ ବଡ଼ଚଣା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ପଠାଇଛି। ଦୁର୍ଘଟଣା ସ୍ଥଳରେ ଧର୍ମଶାଳା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି। ସ୍ଥାନୀୟ ଲୋକଙ୍କ ଭିଡ଼ ଜମିବା ସହିତ ଲୋକଙ୍କ ମଧ୍ୟରେ ଚାପା ଉତ୍ତେଜନା ଦେଖାଯାଇଛି।
ଶଙ୍ଖ ଧ୍ଵନୀ ରାସ୍ତା ସୁରକ୍ଷା ସମିତି ଓଡ଼ିଶା ପକ୍ଷରୁ ଗଭୀର ସମବେଦନା ସହିତ ,ସଡ଼କ ସୁରକ୍ଷା ସ୍ଥିତି କିପରି o କିଏ ରକ୍ଷା କରିବା ,ପ୍ରଶ୍ନ କରିଛନ୍ତି ।ଗୋଟିଏ ଡ଼୍ରାଇଭର ନିଜ ସୁରକ୍ଷା ସହିତ ଅନ୍ୟ କୁ ମଧ୍ୟ ସୁରକ୍ଷା ଦେଇ ପାରିବ ।ଅଛି ଆବଶ୍ୟକ ଶିକ୍ଷା ବହୁ ପୂର୍ବରୁ , କିନ୍ତୁ ,ଓଡ଼ିଶା ପକ୍ଷରେ ତାହା ଦେଖାଯାଇ ନାହିଁ ।