ଅଗଷ୍ଟ ପହିଲାରେ NEET ପରୀକ୍ଷା

ନୂଆଦିଲ୍ଲୀ: ଆସନ୍ତା ଅଗଷ୍ଟ ପହିଲାରେ ହେବ ଚଳିତ ବର୍ଷର ନ୍ୟାସନାଲ୍ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ ବା ଡାକ୍ତରୀ ପ୍ରବେଶିକା ପରୀକ୍ଷା NEET। ଏ ନେଇ ଗତକାଲି ସୂଚନା ଦେଇଛି ନାସନାଲ୍ ଟେଷ୍ଟିଂ ଏଜେନ୍ସି (NTA)। ସାରା ଦେଶରେ ଇଂରାଜୀ ଓ ହିନ୍ଦୀ ସମେତ ୧୧ଟି ଭାଷାରେ ପରୀକ୍ଷା ହେବ। ଅଫଲାଇନରେ ପରୀକ୍ଷା କରିବା ନେଇ ଜାତୀୟ ପରୀକ୍ଷା ସଂସ୍ଥା NTA ସୂଚନା ଦେଇଛି।

ଯେଉଁମାନେ MBBS, BDS, BAMS, BSMS, BUMS ଓ BHMS ଡାକ୍ତରୀ ପାଠ୍ୟକ୍ରମରେ ନାମଲେଖା ପାଇଁ ଚାହୁଁଥିବେ ରେଜିଷ୍ଟ୍ରେସନ କରି ଏଣ୍ଟ୍ରାନ୍ସ ଟେଷ୍ଟ ପାଇଁ ଆବେଦନ କରିପାରିବେ। ଆଡମିଶନ ପୋର୍ଟାଲ ntaneet.nic.in ଓ nta.ac.in କୁ ଯାଇ ଆବେଦନ କରିପାରିବେ ଛାତ୍ରଛାତ୍ରୀ।

ଏନ୍‌ଟିଏ ପକ୍ଷରୁ କୁହାଯାଇଛି, ଏମବିବିଏସ୍‌, ବିଡିଏସ୍‌, ବିଏଏମ୍‌ଏସ୍‌, ବିଏସ୍‌ଏମ୍‌ଏସ୍‌, ବିୟୁଏମ୍‌ଏସ୍‌ ଏବଂ ବିଏଚ୍‌ଏମ୍‌ଏମସ୍‌ ପାଠ୍ୟକ୍ରମରେ ନାମ ଲେଖାଇବା ପାଇଁ ନିଟ୍‌ ୨୦୨୧ର ଆୟୋଜନ ସମ୍ବନ୍ଧିତ ନିର୍ଦ୍ଦେଶାବଳୀ ଜାରି କରିଛି। ଏହି ପରୀକ୍ଷା ଅଗଷ୍ଟ ୧ରେ ପେନ୍‌ ଓ ପେପର ମୋଡରେ କରାଯିବ।

ଅଣ୍ଡର ଗ୍ରାଜୁଏଟ ମେଡିକାଲ କୋର୍ସ ପାଇଁ ଅନ୍‌ଲାଇନ୍ ଆପ୍ଲିକେସନ ପ୍ରକ୍ରିୟା ଖୁବ୍‌ଶୀଘ୍ର ଆରମ୍ଭ ହେବ। ଶିକ୍ଷା ମନ୍ତ୍ରାଳୟ ଅଧୀନରେ ଥିବା ନାସନାଲ୍ ଟେଷ୍ଟିଂ ଏଜେନ୍ସି ପରୀକ୍ଷା ସମ୍ବନ୍ଧିତ ଅନ୍ୟାନ ସୂଚନା ମଧ୍ୟ ଜାରି କରିଛନ୍ତି।