ଡଲାର ତୁଳନାରେ ବଢୁଛି ଟଙ୍କାର ମୂଲ୍ୟ

ମୁମ୍ବାଇ: ଡଲାର ତୁଳନାରେ ବଢୁଛି ଟଙ୍କାର ମୂଲ୍ୟ। ଘରୋଇ ସେୟାର ବଜାରରେ ପଜିଟିଭ୍ ଟ୍ରେଣ୍ଡ୍ ଓ ଅଶୋଧିତ ତୈଳ ମୂଲ୍ୟ ହ୍ରାସ କାରଣରୁ ସୋମବାର ଦିନ ଆମେରିକୀୟ ଡଲାର ତୁଳନାରେ ଟଙ୍କା ୧୨ ପଇସା ମଜବୁତ ହୋଇଛି। ଡଲାର ତୁଳନାରେ ଟଙ୍କାରେ ୧୨ ପଇସା ବୃଦ୍ଧି ହୋଇ ୭୨.୮୭ରେ ପହଞ୍ଚିଛି।

ଏହା ଘରୋଇ ବଜାରରେ ଆଶ୍ୱସ୍ତି ଆଣିଛି। ଇଣ୍ଟରବ୍ୟାଙ୍କ ଫରେନ୍ ଏକ୍ସଚେଞ୍ଜ ଅନୁଯାୟୀ ଆଜି ଡଲାର ତୁଳନାରେ ଟଙ୍କା ୭୨.୮୫ରେ ଖୋଲିଥିଲା। ପ୍ରାରମ୍ଭିକ କାରବାରରେ ୭୨.୮୭ ଛୁଇଁ ଖସିଥିଲା, ପୂର୍ବ ବନ୍ଦ ତୁଳନାରେ ଯାହା ୧୨ ପଇସା ବୃଦ୍ଧି ହୋଇଥିଲା।

ଶୁକ୍ରବାର ଦିନ ଆମେରିକୀୟ ଡଲାର ତୁଳନାରେ ଟଙ୍କା ୭୨.୯୯ରେ ସ୍ଥିର ରହିଥିଲା। ଅନ୍ୟପକ୍ଷରେ ଅଶୋଧିତ ତୈଳ ମୂଲ୍ୟରେ ୦.୫୪ ପ୍ରତିଶତ ହ୍ରାସ ହୋଇ ଏହା ବ୍ୟାରେଲ୍ ପିଛା ୭୧.୫୦ ଡଲାର ରହିଛି।